KUPHILA KWEMAKHRISTU
Ngumiphi Imigomo Lotibekele Yona Kulomnyaka Wemsebenti Lomusha?
Imigomo lemayelana nekukhonta Jehova ifaka ekhatsi nobe ngabe yini lesitimisele kuyifeza kuze simkhonte ngalokugcwele futsi simjabulise. Isisita kutsi sibe ngemaKhristu lavutsiwe futsi kudzingeka sidzele sikhatsi setfu nemandla etfu kuze siyifinyelele. (1Tm 4:15) Kubaluleke ngani kutsi sihlale siyihlolisisa imigomo yetfu? Kungenca yekutsi timo tiyashintja. Timo tingahle tingasasivumeli kutsi sifinyelele umgomo lebesitibekele wona, noma mhlawumbe sesiwufinyelele futsi kudzingeke sitibekele lomunye.
Sikhatsi lesikahle sekuhlolisisa imigomo yetfu kungaphambi kwekutsi kucale umnyaka wemsebenti lomusha. Kungaba njani nicoce ngalendzaba ekukhonteni kwemndeni futsi ngamunye wenu atibekele imigomo langayifinyelela kanye naleyo leningayifinyelela njengemndeni?
Ngumiphi imigomo lotibekele yona kuloku lokulandzelako, futsi yini lohlela kuyenta kuze uyifinyelele?
Kufundza liBhayibheli, kudadisha, kuya emihlanganweni yebuKhristu, kuphendvula.—w02-ZU 6/15 15 ¶14-15
Umsebenti wekushumayela.—w23.05 27 ¶4-5
Buntfu bebuKhristu—w22.04 23 ¶5-6
Lokunye:
