July 29–August 4
TIHLABELELO 69
Ingoma 13 Nemthantazo | Setfulo (1 umz.)
1. Indlela Tihlabelelo 69 Letabiketela Ngayo Loko Lokwenteka KuJesu
(10 imiz.)
Jesu bebamnyanyela lite (Hl 69:4; Joh 15:24, 25; w11 8/15 11 ¶17)
Jesu abayishisekela indlu yaJehova (Hl 69:9; Joh 2:13-17; w10 12/1 16 ¶7-8)
Jesu waba selusizini lolukhulu futsi bamnatsisa neliwayini lebelibhicwe nalokubabako (Hl 69:20, 21; Mat 27:34; Luk 22:44; Joh 19:34; g95-ZU 10/22 31 ¶4; it-2-E 650)
LONGACABANGA NGAKO: Kungani Jehova afaka tiphrofetho letimayelana naMesiya emiBhalweni yesiHebheru?
2. Kufunisisa Umcebo EVini LaNkulunkulu
(10 imiz.)
-
Hl 69:30, 31—Lamavesi asisita njani kutsi sitfutfukise imithantazo yetfu? (w99-ZU 1/15 18 ¶11)
-
Ngumuphi umcebo lowutfole kulokufundvwa kweliBhayibheli kwaleliviki longatsandza kusicocela ngawo?
3. Kufundvwa KweliBhayibheli
(4 imiz.) Hl 69:1-25 (th sifundvo 2)
4. Beketela—Lokwentiwa NguJesu
(7 imiz.) Coca nelibandla. Dlala le-VIDEO, bese nicoca nge-lmd sifundvo 8 liphuzu 1-2.
5. Beketela—Lingisa Jesu
(8 imiz.) Coca nelibandla usebentisa i-lmd sifundvo 8 liphuzu 3-5 nencenye letsi “Phindze Ubuke.”
Ingoma 134
6. Tidzingo Telibandla
(5 imiz.)
7. Ticondziso Tekukhonta Kwemndeni
(10 imiz.) Coca nelibandla.
NgaJanuary 2009, Sifundvo Sencwadzi Selibandla sacala kuchutjwa ngelilanga linye neSikolwa Semsebenti WemaKhristu kanye neMhlangano Wemsebenti. Lolushintjo lwanika imindeni sikhatsi sekuba neluhlelo lwekukhonta kwemndeni liviki ngalinye. Labanyenti bayabonga ngaloluhlelo lobelentelwe kutsi lubasite basondzelane naJehova futsi baphindze basondzelane njengemndeni.—Dut 6:6, 7.
Yini lengasita tinhloko temindeni kutsi tente Kukhonta Kwemndeni kuphumelele?
-
Kwente njalo. Nakungenteka, beka sikhatsi lesicondzile sekukhonta kwemndeni. Hlale ukulungele kutsi ningakwenta ngalelinye lilanga, nangabe kwenteka kuvela tiphatamiso
-
Lungiselela. Khulumisana nemkakho, futsi ubute nebantfwana bakho kutsi yini labangatsandza kuyenta ekukhonteni kwemndeni. Ungacitsi sikhatsi lesinyenti ulungiselela, ikakhulukati nangabe sewati kutsi umndeni wakho ujabulela kwentani
-
Yenta loluhlelo luvumelane netimo temndeni. Njengobe bantfwana bakhula, tidzingo tabo tiyashintja futsi nemakhono abo ayatfutfuka. Loluhlelo kufanele lusite lilunga ngalinye lemndeni kutsi lisondzelane naJehova
-
Ciniseka kutsi emalunga emndeni ayakhululeka kungabi ngatsi nisemhlanganweni. Ngaletinye tikhatsi, ningakwentela ngaphandle kukhonta kwemndeni nangabe simo selitulu sivuma. Nakusachubeka kukhonta kwemndeni, ningatsatsa likhefu nakudzingekile. Nanobe kukahle kucoca ngetinkinga emalunga emndeni labhekana nato, kodvwa ungasebentisi kukhonta kwemndeni njengelitfuba lekuteka emacala
-
Shintjashintja loko leningakwenta. Sibonelo nje, ngalelinye lilanga ningalungiselela umhlangano, ngalelinye nibukele i-video leku-jw.org futsi nicoce ngayo, nobe niphrakthize lenitakusho emsebentini wekushumayela. Nanobe Kukhonta Kwemndeni kwentiwe ngendlela yekutsi nicocisane, kodvwa nisengasebentisa lesinye sikhatsi kuze lilunga ngalinye lemndeni litidadishele
Cocani ngalombuto:
-
Uke wetama yini kusebentisa leticondziso ekukhonteni kwemndeni?
8. Sifundvo SeliBhayibheli Selibandla
(30 imiz.) bt sehl. 13 ¶8-16, libhokisi ekh. 105
