Batali labahlonipha Nkulunkulu balangatelela kubona bantfwana babo bachubeka batikhonti taJehova letetsembekile. Bangabasita bantfwana babo ngekutsi bagcizelele lokufundziswa liBhayibheli etinhlitiyweni tabo kusukela basebancane kakhulu. (Dut 6:7; Tag 22:6) Kufanele yini batidzele nabenta loku? Yebo! Ngoba batawujabula ngemiphumela yemetamo yabo.​—3Jh 4.

Batali bangafundza lokunyenti esibonelweni saJosefa naMariya. “Minyaka yonkhe, . . . bebahlale baya emkhosini weliPhasika eJerusalema” nanobe kwenta njalo bekudzinga imali nesikhatsi lesinyenti. (Luk 2:41) Loko kukhombisa kutsi lobekubaluleke kakhulu kubo bekukusondzela kuJehova. Ngalokufanako, batali lamuhla bangacondzisa bantfwana babo kutsi bahambe endleleni lengiyo ngekubafundzisa ngetento kanye nangemavi.​—Hla 127:3-5.

BUKELA I-VIDEO LETSI BASEBENTISA ONKHE EMATFUBA LEBEKAVELA, BESE UPHENDVULA LEMIBUTO:

• Jon na-Sharon Schiller bakhona njani kuchubeka babeka kukhonta Jehova kucala ekuphileni kwabo nanobe bebakhulisa bantfwana?

• Kungani batali kufanele bafundzise futsi beluleke umntfwana ngamunye ngendlela lemfanele?

• Batali bangabasita kanjani bantfwana babo kutsi babhekane nekuvivinywa kwekukholwa kwabo?

• Ngumaphi emathulusi inhlangano yaJehova lesinikete wona lowasebentisile kuze usite bantfwana bakho basondzelane kakhulu naJehova?