Jesu wasibekela sibonelo lesihle lesingasilandzela ikakhulu nasishushiswa. (1Ph 2: 21-23) Ngesikhatsi bametfuka futsi bamhlupha, Jesu akaphindziselanga. (Mak 15:29-32) Yini leyamsita kuze abhekane nalesimo? Wancuma kwenta intsandvo yaJehova. (Joh 6: 38) Wanakisisa ‘nenjabulo lebeyibekwe embikwakhe.’​—Heb 12:2.

Kufanele sente njani nasishushiswa ngenca yekukholwa kwetfu? EmaKhristu eliciniso ‘akaphindziseli lokubi ngalokubi.’ (Rom 12:14, 17) Nasilingisa indlela Jesu labhekana ngayo nekuhlupheka, kuyasitfokotisa kwati kutsi Nkulunkulu uyajabula ngatsi.—Mat 5: 10-12; 1Ph 4: 12-14.

BUKELA I-VIDEO LETSI LIBITO LAJEHOVA NGILO LELIBALULEKE KAKHULU, BESE UPHENDVULA LEMIBUTO LELANDZELAKO:

• Dzadze Pötzinger * wasisebentisa njani sikhatsi sakhe ngekuhlakanipha nakavalelwe yedvwana esitokisini?

• Ngukuphi kuhlupheka umndeni waka-Pötzinger lowabhekana nako ngesikhatsi uvalelwe enkambu yekuhlushwa?

• Yini leyabasita bacinisela?