KUPHILA KWEMAKHRISTU
Jehova Utawutiva Njani?
Ngaphambi kwekutsi sente tincumo letinkhulu nobe letincane, siyatibuta yini kutsi, ‘Jehova utawutiva njani’ ngato? Ngisho nobe singeke sikwati konkhe lokusengcondvweni yaJehova, kodvwa eVini lakhe usivetela lokwenele lokusisita sikufanele kahle “kwenta yonkhe imisebenti lemihle.” (2 Thim. 3:16, 17; Rom. 11:33, 34) Jesu bekayati kahle intsandvo yaJehova futsi beyita kucala ekuphileni kwakhe. (Joh. 4:34) Shengatsi natsi singalingisa Jesu sente konkhe lokusemandleni etfu kutsi tincumo lesitentako tijabulise Jehova.—Joh. 8:28, 29; Ef. 5:15-17.
BUKELA I-VIDEO LETSI CHUBEKA UYICONDZA INTSANDVO YAJEHOVA (LEV. 19:18), BESE UPHENDVULA LEMIBUTO LELANDZELAKO:
-
Kungani kufanele sisebentise timiso teliBhayibheli ekuphileni kwetfu?
-
Ngutiphi timiso teliBhayibheli lekufanele sitisebentise nasikhetsa umculo?
-
Ngutiphi timiso teliBhayibheli lekufanele sitisebentise nasikhetsa kwekugcoka nendlela lesitilungisa ngayo?
-
Ngutiphi letinye timo tekuphila lapho kufanele sisebentise khona timiso teliBhayibheli?
-
Singalitfutfukisa kanjani likhono letfu lekubona loko lokuyintsandvo yaJehova?
Tincumo lengitentako tembulani ngebuhlobo bami naJehova?
