Emabandleni lesikuwo kunebazalwane nabodzadze lesebakhonte Jehova sikhatsi lesidze. Singafundza kubo endleleni labatsembele ngayo kuJehova. Singababuta ngemlandvo wenhlangano yaJehova siphindze sibabute nangendlela Jehova labasite ngayo kutsi bancobe tinkinga. Singaphindze sibameme kutsi babe natsi ekuKhonteni kwetfu kweMndeni kwantsambama futsi sibabute ngetintfo letenteke kubo njengoba basakhonta Jehova.

Nangabe sewuneminyaka leminyenti ukhonta Jehova, kulungele kucocela emaKhristu lasemasha ngetindlela Jehova lakusite ngato. Jakobe naJosefa bacocela bantfwana babo ngetintfo Jehova labentela tona. (Gen 48:21, 22; 50:24, 25) Ngekuhamba kwesikhatsi Jehova wayala tinhloko temindeni kutsi tifundzise batfwana bato ngetento takhe letimangalisako. (Dut 4:9, 10; Hl 78:4-7) Lamuhla, batali kanye nalabanye ebandleni bangacocela labasebasha ngetintfo letimangalisako letentiwe nguJehova enhlanganweni yakhe.

BUKELA I-VIDEO LETSI BAHLALA BANEBUNYE NGISHO NOME BEBAVINJELWE, BESE UPHENDVULA LEMIBUTO LELANDZELAKO:

• Ligatja lese-Austria labasita njani bazalwane labakulamanye emave lapho umsebenti wetfu uvinjelwe khona?

• Yini labayenta labazalwane labakulawo mave kute bachubeke banekukholwa lokucinile?

• Yini leyenta bazalwane baseRomania bashiya inhlangano yaJehova, futsi babuyela njani kuyo?

• Loko lokwenteka kulabazalwane kukucinisa njani kukholwa kwakho?