KUBALULEKE NGANI: Kuba melula kutsi lesifundza nabo liBhayibheli bakuve futsi bakukhumbule lesibafundzisa kona nangabe bayalungiselela. Umphumela uba kutsi batfutfuka ngekushesha. Ngisho noma sebabhajatisiwe, kusetawudzingeka balungiselele imihlangano nemsebenti wekushumayela kuze ‘bahlale balindzile.’ (Mat 25:13) Ngaleso sizatfu, kuba neluhlelo lolukahle lwekudadisha nekukwenta ngendlela lephumelelako kutawubasita kuphila kwabo konkhe. Kusukela ekucaleni, kufanele sisite lesifundza nabo kutsi basilungiselele njalo sifundvo sabo seliBhayibheli.

INDLELA YEKUKWENTA:

• Bani sibonelo lesikahle. (Rom 2:21) Lungiselela sifundvo ngasinye ucabanga ngalofundza naye. (km 11/15 3) Kufanele abone kutsi nawe uyidvwebele incwadzi yakho

• Mkhutsate kutsi alungiselele. Naze nacala kufundza, mtjele kutsi sifundvo seliBhayibheli sifaka ekhatsi kulungiselela, futsi umchazele kutsi kusita ngani. Msite abone kutsi angasitfola njani sikhatsi sekulungiselela. Nabamfundzisa kutsi alungiselele, labanye bamemeteli baniketa umfundzi incwadzi yabo ledvwetjelwe kuze ayisebentise futsi abone lusito lwako. Mbonge nangabe alungiselele

• Mkhombise kutsi kulungiselelwa njani. Labanye bamemeteli batinika litfuba lekulungiselela sifundvo lesitsite nalabafundza naye kusengakahambi sikhatsi lesidze