25:1-12

Nanobe Jesu abekhuluma ngebalandzeli bakhe labagcotjiwe emfanekisweni wetintfombi letilishumi, lakusho kusebenta kuwo onkhe emaKhristu. (w15 3/15 9-14) “Ngako-ke, hlalani nilindzile ngobe anilati lilanga nobe li-awa.” (Mat 25:13) Uyati kutsi lomfanekiso usho kutsini?

• Umkhwenyane (vesi 1)​—NguJesu

• Tintfombi letihlakaniphile, letitilungiselele (vesi 2)​—NgemaKhristu lagcotjiwe lakulungele kwenta umsebenti wawo ngekwetsembeka futsi lakhanya njengetibane kuze kufike kuphela (Flp 2:15)

• Kumemeta lokutsi: “Nangu umkhwenyane!” (vesi 6)​—Bufakazi bekuba khona kwaJesu

• Tintfombi letilibele (vesi 8)​—NgemaKhristu lagcotjiwe laphuma ayewuhlangabeta umkhwenyane kepha lahluleka kuhlala alindzile nobe kuhlale acotfo

• Tintfombi letihlakaniphile ativumi kuphana ngemafutsa ato (vesi 9)​—Ngemuva kwekubekwa luphawu lwekugcina, kusuke sekwephute kakhulu kutsi labagcotjiwe labetsembekile bangabasita labagcine bangaketsembeki

• “Umkhwenyane wefika” (vesi 10)​—Ngasekupheleni kwekuhlupheka lokukhulu, Jesu uyefika atewehlulela

• Tintfombi letihlakaniphile tingena edzilini lemshado kanye nemkhwenyane, futsi umnyango uyavalwa (vesi 10)​—Jesu utsatsa labagcotjiwe labetsembekile aye nabo ezulwini, kepha labangaketsembeki abawutfoli umvuzo wasezulwini