• Sebentisa likheli lakho. Nangabe ukubona kungasiko kahle kusebentisa likheli lakho, ungasebentisa likheli laseHholweni leMbuso nangabe labadzala bakuniketile imvume yekwenta kanjalo. Nobe kunjalo, UNGALOKOTSI usebentise likheli leligatja njengelikheli lakho latakubhalela kulo.

• Sebentisa ligama lakhe nangabe uyalati. Loko kutawenta kutsi lomuntfu angacabangi kutsi lencwadzi yekukhangisa libhizinisi.

• Naka kutsi tinhlavu temagama tibhaleke kahle, imitsetfo yelulwimi kanye netimphawu tekubhala. Lencwadzi kufanele ingabhaleki ngebudlabha. Nayibhalwe ngesandla, kufanele ifundzeke. Emagama lowasebentisako akangabi ngatsi awunendzaba nobe abe cotfo kakhulu.

Lencwadzi lelandzelako isitjengisa indlela lokufanele siwasebentise ngayo lamaphuzu. Ayikabhalelwa kutsi utsatse emagama njengobe anjalo nangabe ubhalela umuntfu losensimini yelibandla lokulo. Bhala incwadzi yakho ivumelane nenjongo loyibhalele yona futsi ivumelane netimo tendzawo kanye nemasiko.