KUNGANI KUBALULEKILE: Bantfu labangaboni emehlweni abativa bakhululekile nabakhuluma nebantfu labangabati. Ngako ke, kudzinga likhono kute sifakaze kubo. Jehova uyabatsandza bantfu labangaboni emehlweni. (Lev 19:14) Natsi singasilingisa sibonelo sakhe, ngekutsi sitsatse sinyatselo sekusita bantfu labangaboni emehlweni kutsi babe nebuhlobo lobuhle naJehova.

INDLELA YEKUKWENTA:

• ‘Bafune’ bantfu labangaboni emehlweni. (Mat 10:11) Kukhona yini lomatiko lonelilunga lemndeni lelingaboni emehlweni? Insimi loshumayela kuyo inaso yini sikolwa, lakunakekelwa khona bantfu labangaboni, nobe letinye takhiwo letinebantfu labangaboni labangatsandza tincwadzi letentelwe bona?

• Bani nendzaba nabo. Kuba nebungani kanye nekubanaka bantfu labangaboni emehlweni kubasita bative bakhululekile. Yetama kukhuluma ngetintfo letitsandvwako endzaweni labahlala kuyo

• Basite babe nebuhlobo lobuhle naJehova. Kute isite bantfu labangaboni emehlweni, inhlangano ikhichite tincwadzi ngetidlela letehlukahlukene. Mbute kutsi angatsandza kufundza ngayiphi indlela. Umbonisi wemsebenti kufanele aciniseke kutsi inceku yetincwadzi igcwalisa lifomu leticelo tetincwadzi tebantfu labangaboni, kuye ngekutsi umuntfu longaboni utidzinga kutsi tibe ngayiphi indlela