Tinkinga tingasidvumata kamelula, ikakhulukati nangabe titsatsa sikhatsi lesidze solo tingapheli. Davide bekati kutsi inkinga yakhe lebeyifaka ekhatsi iNkhosi Sawula beyitawugcine iphelile, nekutsi bekatawugcine ayinkhosi njengobe Jehova bekatsembisile. (1Sa 16:13) Kukholwa Davide lebekanako kwamsita kutsi abeketele futsi alindzele Jehova.

Nasisetinkingeni, singahle sikhone kusebentisa kucondza, lwati nobe likhono lekucabanga kuze sishintje simo lesikuso. (1Sa 21:12-14; Tag 1:4) Nobe kunjalo, letinye tinkinga titawuchubeka tikhona ngisho nobe singenta konkhe lesingakwenta ngekuvumelana netimiso letiseBhayibhelini. Etimeni letinjalo, kufanele sibeketele futsi silindzele Jehova. Madvutane, utawucedza konkhe kuhlupheka kwetfu, aphindze ‘asule tonkhe tinyembeti’ emehlweni etfu. (Sem 21:4) Ngisho nobe tinkinga tetfu tingaphela ngenca yekutsi sisitwe nguJehova nobe ngenca yaletinye tizatfu, kodvwa yinye intfo lesiciniseka ngayo: Tonkhe tinkinga titawuphela ekugcineni. Leliciniso leli lingasiniketa indvudvuto.

BUKELANI I-VIDEO LETSI BANTFU LABEVANAKO EVENI LELIGCWELE KWEHLUKANA, BESE NIPHENDVULA LEMIBUTO LELANDZELAKO:

• Ngutiphi tinkinga lamanye emaKhristu laseningizimu yeMelika lebekabhekene nato?

• LamaKhristu alukhombise njani lutsandvo nekubeketela?

• LamaKhristu achubeke njani ‘aciniseka ngetintfo letibaluleke kakhulu’?—Flp 1:10