Sinema-video lamane ekucela, kucalisa kanye nekuchuba tifundvo teliBhayibheli emsebentini wekushumayela. I-video ngayinye yentelwe yiphi injongo?

• Kungani Kufanele Sifundze LiBhayibheli?​—I-video Lendze yentelwe kusita bantfu kutsi bakutsandze kufundza liBhayibheli kungakhatsaliseki kutsi yini labayikholelwako. Ikhutsata labo labayibukelako kutsi batifune eBhayibhelini timphendvulo temibuto lebakhatsatako ekuphileni futsi itiveta kancane letimphendvulo letitfolakala eBhayibhelini. Ichaza kutsi ungasicela njani sifundvo seliBhayibheli.

• Kungani Kufanele Sifundze LiBhayibheli? (lefishanisiwe) iyafana nalena lendze kodvwa yona ifishanisiwe. Ingaba lusito kakhulu etindzaweni lapho khona bantfu bete sikhatsi.

• Yini Leyentekako Nakuchutjwa Sifundvo SeliBhayibheli? yentelwe kukhangisa ngeluhlelo lwetfu lesifundvo seliBhayibheli samahhala futsi iphendvula imibuto bantfu labangahle babe nayo ngaloluhlelo, kanye nendlela yekucela sifundvo seliBhayibheli.

• Siyakwemukela Esifundvweni Sakho SeliBhayibheli yentelwe kubukelisa tifundvo teliBhayibheli. Nanobe le-video itfolakala ekhasini lesibili lencwadzi letsi Jabulela Kuphila Kuze Kube Phakadze!, kodvwa ungambukelisa umfundzi ngisho nobe nisebentisa incwajana letsi Jabulela Kuphila Kuze Kube Phakadze! Le-video ichaza lokucuketfwe ngulencwadzi naloko umfundzi langakulindzela nanisafundza.

Nanobe i-video ngayinye yentelwe injongo letsite, kodvwa singababukelisa nobe sibatfumelele noma nguyiphi bantfu nakufaneleka. Bamemeteli bakhutsatwa kutsi bawati kahle lama-video futsi bawasebentise ngendlela lefanele emsebentini wekushumayela.