April 1-7
TIHLABELELO 23-25
Ingoma 4 Nemthantazo | Setfulo (1 umz.)
1. “Jehova UnguMelusi Wami”
(10 imiz.)
Jehova uyasihola (Hl 23:1-3; w11 6/1 11 ¶3)
Jehova uyasivikela (Hl 23:4; w11 6/1 11 ¶4)
Jehova uyasondla (Hl 23:5; w11 6/1 11 ¶5)
Jehova unakekela bantfu bakhe njengemelusi lonakekela timvu ngelutsandvo.
TIBUTE: ‘Jehova ukhombise njani kutsi uyanginakekela?’
2. Kufunisisa Umcebo EVini LaNkulunkulu
(10 imiz.)
Hl 23:3—Tiyini ‘tindlela tekulunga,’ futsi yini lengasisita kutsi sichubeke sihamba ngato? (w11 2/1 24 ¶1-3)
Ngumuphi umcebo lowutfole kulokufundvwa kweliBhayibheli kwaleliviki longatsandza kusicocela ngawo?
3. Kufundvwa KweliBhayibheli
(4 imiz.) Hl 23:1–24:10 (th sifundvo 5)
4. Kucalisa Incociswano
(3 imiz.) KUSHUMAYELA UNGAKAHLELI. Fundza umBhalo munye kuze udvudvute umuntfu lokhatsateke ngekunukubetwa kwemvelo. (lmd sifundvo 2 liphuzu 5)
5. Kubuyela Kulesicoce Naye
(4 imiz.) EMTINI NGEMUTI. Khombisa umuntfu lowamniketa incwajana letsi Jabulela Kuphila Kuze Kube Phakadze! kutsi sichutjwa njani sifundvo seliBhayibheli. (lmd sifundvo 9 liphuzu 3)
6. Kwenta Bafundzi
(5 imiz.) lff sifundvo 14 liphuzu 4 (lmd sifundvo 11 liphuzu 3)
Ingoma 54
7. Asingalilaleli Livi Lebantfu Lesingabati
(15 imiz.) Coca nelibandla.
Timvu tiyalati livi lemelusi wato futsi tiyamlandzela. Nobe kunjalo, tiyambalekela umuntfu letingamati futsi atililaleli livi lakhe. (Joh 10:5) Ngendlela lefanako, natsi silalela livi laJehova naJesu, lokubelusi betfu labetsembekile futsi labasitsandzako. (Hl 23:1; Joh 10:11) Kodvwa asililaleli livi lebantfu lesingabati, labetama kwenta kukholwa kwetfu kutsi kube butsakatsaka “ngemavi lakhohlisako.”—2Ph 2:1, 3.
Sehluko sesitsatfu saGenesisi sisitjela ngelivi lemuntfu wekucala longatiwa. Sathane wasebentisa inyoka kuze atifihle ngesikhatsi akhuluma na-Eva. Wenta shengatsi ungumngani wakhe ngekutsi acambe emanga ngaloko lokwashiwo nguJehova. Lokubuhlungu kutsi Eva walalela Sathane, futsi loku kwabangela yena kanye nemndeni wakhe kuhlupheka.
Lamuhla, Sathane wetama kusenta singabate Jehova kanye nenhlangano yakhe ngekutsi asakate imibiko ledukisako kanye nalengemanga. Kufanele sibaleke nasiva livi lemuntfu lesingamati. Kulalela livi lemuntfu lesingamati kuyingoti, ngisho nobe kukwesikhashana nje. Ucabanga kutsi Sathane wadzinga mangakhi emagama kuze ayenge Eva? (Gen 3:1, 4, 5) Kutsiwani nangabe umuntfu lesimatiko, lositsandzako nalosifisela lokuhle afuna kusitjela emanga ngenhlangano yaJehova?
Dlala i-VIDEO letsi Ungalilaleli ‘Livi Lebantfu Longabati,’ bese ubuta lombuto:
Yini loyifundzile endleleni Jade lente ngayo ngesikhatsi make wakhe longasuye Fakazi WaJehova, afuna kumtjela tintfo letingemanga ngenhlangano yaJehova?
8. Sifundvo SeliBhayibheli Selibandla
(30 imiz.) bt sehl. 8 ¶1-4, emabhokisi emakh. 61-62
