April 8-14
TIHLABELELO 26-28
Ingoma 34 Nemthantazo | Setfulo (1 umz.)
1. Lokwenta Davide Wahlale Acotfo
(10 imiz.)
Davide wacela Jehova kutsi amsite abe ngumuntfu loncono (Hl 26:1, 2; w04-ZU 12/1 14 ¶8-9)
Davide abengatihlanganisi nebantfu lababi (Hl 26:4, 5; w04-ZU 12/1 15 ¶12-13)
Davide bekakutsandza kukhonta Nkulunkulu (Hl 26:8; w04-ZU 12/1 16 ¶17-18)
Nanobe Davide enta emaphutsa lamanyenti, kodvwa wahamba “ngebucotfo benhlitiyo.” (1Ks 9:4) Davide bekamtsandza Jehova futsi amkhonta ngenhlitiyo yakhe yonkhe, kuze bonkhe bantfu batobona kutsi ucotfo kuye.
2. Kufunisisa Umcebo EVini LaNkulunkulu
(10 imiz.)
-
Hl 27:10—Lelivesi lingasidvudvuta njani nangabe siva shengatsi silahlwe bantfu lesisondzelene nabo? (w06-ZU 7/15 28 ¶15)
-
Ngumuphi umcebo lowutfole kulokufundvwa kweliBhayibheli kwaleliviki longatsandza kusicocela ngawo?
3. Kufundvwa KweliBhayibheli
(4 imiz.) Hl 27:1-14 (th sifundvo 2)
4. Kucalisa Incociswano
(2 imiz.) EMTINI NGEMUTI. Sebentisa lipheshana lelisemaThulusini eKufundzisa. (th sifundvo 3)
5. Kubuyela Kulesicoce Naye
(4 imiz.) EMTINI NGEMUTI. Cocani ngembuto longemuva kwalelipheshana lowamshiyela lona nanigcina kubonana. Vula i-jw.org futsi umkhombise tintfo letimbalwa letitfolakala kuyo. (lmd sifundvo 9 liphuzu 3)
6. Inkhulumo
(5 imiz.) lmd sandzisanchazo A liphuzu 3—Sihloko: Umhlaba Utawuhlanteka. (th sifundvo 13)
Ingoma 128
7. Bantfu Labasha Labatiphatsa Kahle
(15 imiz.) Coca nelibandla.
Bantfu labasha kufanele betame kamatima kutsi bagweme kutiphatsa kabi. Banesono, futsi balwa kamatima kuze batiphatse kahle njengoba basesikhatsini sekuvutselwa yinkhanuko yebusha. Ngetulu kwaloko banesifiso lesinemandla sekufuna kuya ecansini, lokwenta kube matima ngabo kutsi bente tincumo letikahle. (Rom 7:21; 1Kt 7:36) Baphindze bacindzetelwe kutsi baye ecansini nemuntfu labangakashadi naye, kungaba webulili lobufana nebabo nobe lobungafani. (Efe 2:2) Siyatigcabha ngalabo labachubeka balalela Jehova.
Dlala i-VIDEO letsi Kuphila Kwami Nangiseminyakeni Yekutfomba—Ngingalwisana Njani Nekucindzetelwa Kutsi Ngiye Ecansini Ngingakashadi? bese ubuta lemibuto:
-
BoCory naKamryn bacindzetelwa kutsi benteni?
-
Yini leyabasita kutsi bahlale bacotfo?
-
Ngutiphi timiso teliBhayibheli letingakusita ukhone kubhekana netimo letifanako?
8. Sifundvo SeliBhayibheli Selibandla
(30 imiz.) bt sehl. 8 ¶5-12
