Lutsandvo luyi-glue leyenta umndeni kutsi ube nebunye. Ngaphandle kwelutsandvo, emalunga emndeni ngeke abe nebunye futsi angeke abambisane. Emadvodza, bafati nebatali bangalukhombisa njani lutsandvo emndenini?

Indvodza lenelutsandvo iyaticabangela tidzingo temkayo, imibono yakhe kanye nemiva yakhe. (Efe 5:28, 29) Iyatinakekela tidzingo temndeni wayo iphindze isite umndeni wayo kutsi usondzele kuJehova, lokufaka ekhatsi kuba neKukhonta Kwemndeni njalo. (1Tm 5:8) Umfati lonelutsandvo uyayitfobela indvodza yakhe futsi ayikhombise ‘inhlonipho lenkhulu.’ (Efe 5:22, 33; 1Ph 3:1-6) Labashadene kufanele bacolelane ngekukhululeka. (Efe 4:32) Batali labanelutsandvo banaka tidzingo temntfwana ngamunye futsi bamfundzise kutsandza Jehova. (Dut 6:6, 7; Efe 6:4) Ngitiphi tinkinga bantfwana babo lababhekana nato esikolweni? Bamelana njani nekucindzetelwa bontsanga? Nangabe kunelutsandvo emndenini, onkhe emalunga emndeni ativa avikelekile futsi alondzekile.

BUKELA I-VIDEO LETSI LUTSANDVO LWAKHO EMNDENINI WAKHO ALUNGAPHELI, BESE NIPHENDVULA LEMIBUTO LELANDZELAKO:

• Indvodza lenelutsandvo imnakekela njani umkayo futsi imtsandze?

• Umfati lonelutsandvo ukhombisa njani kutsi uyihlonipha kakhulu indvodza yakhe?

• Batali labanelutsandvo babafundzisa njani bantfwana babo liVi laNkulunkulu?