Njengobe sibeketelela lencenye yekugcina ‘yemalanga ekugcina,’ silindzele kutsi timo tibe timbi nakakhulu. (2Tm 3:1; nwtsty liphuzu lekucwaninga kuMat 24:8) Nakuvela sehlakalo, ngalokuvamile bantfu baJehova batfola ticondziso letifika ngesikhatsi naletisindzisa kuphila. Kusindza kwetfu kutawuya ngekutsi siyalalela yini nyalo nakutiwa endzabeni yekucinisa buhlobo betfu naNkulunkulu kanye nekunakekela tidzingo tetfu letisisekelo.—Luk 16:10.

• Cinisa buhlobo bakho naNkulunkulu: Bani neluhlelo lolukahle. Fundza tindlela letehlukahlukene tekushumayela. Ungetfuki nangabe wehlukaniswe nalabanye bazalwane basebandleni. (Isa 30:15) Jehova naJesu bahlale banawe ngaso sonkhe sikhatsi.—od-ZU 176 ¶15-17

• Nakekela tidzingo takho letisisekelo: Ngetulu kwekuba netikhawama tekubaleka, umndeni ngamunye kufanele ube nekudla lokwenele, emanti, imitsi nalokunye lokufanako nangabe kutawudzingeka kutsi nihlale endzaweni letsite sikhashana.—Tag 22:3; g17-ZU.5 4, 6

BUKELA I-VIDEO LETSI UNGAKULUNGELA NJANI KUGADLA KWESEHLAKALO SEMVELO?, BESE NIPHENDVULA LEMIBUTO LELANDZELAKO:

• Singabucinisa njani buhlobo betfu naNkulunkulu kute silungele kugadla kwesehlakalo?

• Kungani kufanele . . .

  • sihlale sichumana nalabadzala belibandla?

  • silungise sikhwama setimo letiphutfumako?

  • sibukete tinhlobo tetehlakalo letingagadla kanye naloko lesingakwenta esimeni ngasinye?

• Ngutiphi tindlela letintsatfu lesingasita ngato labanye labehlelwe sehlakalo?

TIBUTE, ‘Ngutiphi tifundvo letimayelana nekutilungiselela lengingatifundza mayelana ne-COVID-19?’