KUPHILA KWEMAKHRISTU
Sebentisa Incwadzi Letsi Jabulela Kuphila Kuze Kube Phakadze! Kute Wakhe Kukholwa KuJehova naJesu
Labo lesifundza nabo liBhayibheli kufanele babe nekukholwa lokucinile kuze bajabulise Nkulunkulu. (Heb 11:6) Singabasita bente loku ngekutsi sisebentise incwadzi letsi Jabulela Kuphila Kuze Kube Phakadze! Lencwadzi inemibhalo leyinhloko, emaphuzu lacacile, imibuto letsintsa inhlitiyo, ema-video lakhutsatako, kanye netitfombe letinhle. Sisuke sakha ngetintfo letingashi nangabe sisita labo lesifundza nabo liBhayibheli kutsi babe nebuntfu bebuKhristu kanye nebuhlobo naNkulunkulu.—1Kt 3:12-15.
Labanye bantfu bacabanga kutsi kumatima kuba ngumngani waNkulunkulu labangamboni. Ngako kufanele sibasite bamati Jehova futsi bametsembe.
BUKELANI I-VIDEO LETSI YAKHA KUKHOLWA KUJEHOVA, USEBENTISA INCWADZI LETSI “JABULELA KUPHILA KUZE KUBE PHAKADZE!” BESE NIPHENDVULA LEMIBUTO LELANDZELAKO:
-
Sati ngani kutsi lodzadze bekasilungiselele kahle lesifundvo?
-
Uyisebentise njani imibuto lembalwa layikhetse kahle kuze asite lomfundzi avete indlela lativa nalacabanga ngayo ngalombhalo wa-Isaya 41:10, 13?
-
Le-video nemavesi laseBhayibhelini amtsintse njani lomfundzi?
Bantfu labanyenti abayicondzi inhlawulo, noma abayitsatsi njengesipho Nkulunkulu labaphe sona. (Gal 2:20) Ngako, kufanele sibasite bakhe kukholwa emhlatjelweni waJesu loyinhlawulo.
BUKELANI I-VIDEO LETSI YAKHA KUKHOLWA KUJESU, USEBENTISA INCWADZI LETSI “JABULELA KUPHILA KUZE KUBE PHAKADZE!” BESE NIPHENDVULA LEMIBUTO LELANDZELAKO:
-
Sati ngani kutsi lomzalwane bekasilungiselele kahle lesifundvo?
-
Ukusebentise njani kwatiswa lokutfolakala encenyeni letsi “Lokunye Longakuhlola” kute asite lomfundzi?
-
Kungani kubalulekile kuthantazela umfundzi?