Kucoca nebantfu ungakahleli kungulenye yetindlela letijabulisako naletiphumelelako tekushumayela. Nanobe kunjalo, singahle sesabe kucalisa incociswano nangabe sinaka kakhulu kutsi sitawetfula njani umBhalo kulencociswano. Khombisa kutsi unendzaba nalomuntfu lococa naye, kunekutsi ukhatsateke ngekutsi utamshumayela njani. (Mat 22:39; Flp 2:4) Nangabe kulencociswano kuvela litfuba lekutsi ukhulume ngemaciniso, unemathulusi lamanyenti langakusita.

Lamathulusi lalandzelako angakusita njani kutsi ushumayele ngesihloko lesivele kulencociswano?

BUKELANI I-VIDEO LETSI “INSIMBI ILOLA INSIMBI”​—KUCALISA TINCOCISWANO, BESE NIPHENDVULA LOMBUTO LOLANDZELAKO:

Ngutiphi tinyatselo letintsatfu letingasisita kuze sitfutfukise likhono letfu lekucoca?