“Jehova uyabatsandza bantfu bakhe.” (Hl 149:4) Nanobe sinesono, uyabubona buntfu betfu lobuhle kanye naloko lesingakwenta esikhatsini lesitako. Ngaletinye tikhatsi, singahle sikutfole kumatima kubona buntfu betfu lobuhle. Singahle sitive singakabululeki ngenca yendlela labanye labasiphatsa ngayo. Nobe nangabe sinaka emaphutsa lesawenta esikhatsini lesendlulile, singahle singabate kutsi Jehova usitsandza mbamba. Yini lengasisita nangabe sitiva ngaleyo ndlela?

Khumbula kutsi Jehova ubona loko bantfu labangeke bakhone kukubona. (1Sa 16:7) Lokusho kutsi ubona lokungetulu kwendlela lesitibona ngayo tsine. Siyajabula kutsi liBhayibheli lisisita siyicondze indlela Jehova lasibuka ngayo. Singakucondza loku ngekutsi sifundze liBhayibheli kanye netindzaba letiveta indlela Jehova latitsandza ngayo tikhonti takhe.

BUKELANI I-VIDEO LETSI CINISEKA KUTSI JEHOVA UYAKUTSANDZA, BESE NIPHENDVULA LEMIBUTO LELANDZELAKO:

• Lomfanekiso wengijimi kanye nababe wayo usifundzisani ngendlela Jehova lasibuka ngayo?

  Your answer

• Nangabe umuntfu lowente sono lesikhulu atsatsa tinyatselo letifanele kuze alungise buhlobo bakhe naJehova, yini lengamsita aciniseke kutsi Nkulunkulu uyamtsandza?​—1Jh 3:19, 20

  Your answer

• Lomzalwane uzuze njani nakafundza futsi azindla ngendzaba yaDavide naJehoshafati?

  Your answer