KUPHILA KWEMAKHRISTU
Ukulungele Yini Kubhekana Nekuwa Kwemnotfo?
Akusimangalisi nangabe sibona tintfo letenteka emhlabeni wonkhe tenta kutsi simo semnotfo siwe. Leni? Ngobe siphila encenyeni yekugcina yemalanga ekugcina futsi liBhayibheli lisecwayisa kutsi singabeki litsemba letfu “emcebeni lophelako.” (1Tm 6:17; 2Tm 3:1) Sibonelo seNkhosi Jehoshafati singasifundzisani mayelana nekulungela kubhekana nekuwa kwemnotfo?
Ngesikhatsi asongelwa tive letititsa, Jehoshafati wetsembela kuJehova. (2Tk 20:9-12) Waphindze walungiselela lesive kusengaphambili ngekutsi abiyele emadolobha futsi wakha netinkambu temasotja. (2Tk 17:1, 2, 12, 13) NjengaJehoshafati, senta kahle kutsi setsembele kuJehova siphindze sitilungiselele kute sibhekane netikhatsi letimatima.
BUKELANI I-VIDEO LETSI UNGAKULUNGELA NJANI KUGADLA KWESEHLAKALO SEMVELO? BESE NIPHENDVULA LEMIBUTO LELANDZELAKO:
-
Yini lesingayenta kuze silungele kugadla kwesehlakalo?
-
Singakulungiselela njani kusita labanye?
