May 27–June 2
TIHLABELELO 42-44
Ingoma 86 Nemthantazo | Setfulo (1 umz.)
1. Yisebentise Kahle Imfundvo Lesiyitfola KuJehova
(10 imiz.)
Khonta Jehova ukanye nalabanye, futsi nakungenteka ube nabo matfupha (Hl 42:4, 5; w06-ZU 6/1 9 ¶4)
Thantaza ngaphambi kwekutsi udadishe liVi laNkulunkulu (Hl 42:8; w12 1/15 15 ¶2)
Vumela liBhayibheli licondzise konkhe lokwentako (Hl 43:3)
Imfundvo lesiyitfola kuNkulunkulu iyasicinisa, isenta sikhone kubhekana netinkinga futsi isisita sikhone nekugcina setsembiso setfu sekukhonta Jehova kuze kube phakadze.—1Ph 5:10; w16.09 5 ¶11-12.
2. Kufunisisa Umcebo EVini LaNkulunkulu
(10 imiz.)
-
Hl 44:19—Kungenteka asho ini lamavi latsi “lapho kubutsana khona bojakalazi”? (it-1-E 1242)
-
Ngumuphi umcebo lowutfole kulokufundvwa kweliBhayibheli kwaleliviki longatsandza kusicocela ngawo?
3. Kufundvwa KweliBhayibheli
(4 imiz.) Hl 44:1-26 (th sifundvo 11)
4. Kucalisa Incociswano
(4 imiz.) EMTINI NGEMUTI. Cela kuchubela umuntfu sifundvo seliBhayibheli. (lmd sifundvo 5 liphuzu 5)
5. Kubuyela Kulesicoce Naye
(5 imiz.) EMTINI NGEMUTI. Mema lomuntfu kutsi abe khona enkhulumeni yelinyenti lelandzelako. Sebentisa i-video letsi Yini Leyentekako EHholweni LeMbuso?, kodvwa ungayidlali. (lmd sifundvo 7 liphuzu 5)
6. Inkhulumo
(3 imiz.) lmd sandzisanchazo A liphuzu 4—Sihloko: Bonkhe Bantfu Batawuba Nemphilo Lenhle. (th sifundvo 2)
Ingoma 21
7. Yenta Tincumo Letihlakaniphile Mayelana Nemsebenti Kanye Nemfundvo
(15 imiz.) Coca nelibandla.
Bantfu labasha, seniyati yini kutsi nitokwentani nanicedza sikolwa? Kungenteka soyawati umsebenti longawenta futsi ukuvumele kutsi ube lihlahlandlela. Nobe ucabanga kuyofundzela kuze utfole likhono lelitsite, i-license, nobe i-diploma longatfola ngayo umsebenti lotakusita ube lihlahlandlela. Lesi sikhatsi lesibalulekile ekuphileni kwakho! Nanobe kunjalo, ungahle ungaciniseki ngaloko lokufanele ukwente ngenca yekutsi kunyenti lokufanele ukhetse kuko nobe uva ngatsi bantfu bafuna wente sincumo lesitawujabulisa bona. Yini lengakusita kutsi wente tincumo letihlakaniphile?
Fundza Matewu 6:32, 33, bese ubuta lemibuto:
-
Kukahle ngani kucale utibekele imigomo ekukhonteni Jehova ngaphambi kwekutsi wente sincumo mayelana nemsebenti kanye nemfundvo?
-
Batali bangabasita njani bantfwana babo kutsi bente loko lokushiwo nguMatewu 6:32, 33?—Hl 78:4-7
Caphela kutsi sifiso sekuba nemali kanye nesekuba ngumuntfu lodvumile asiyiphatamisi indlela lowenta ngayo tincumo. (1Jh 2:15, 17) Khumbula kutsi kuba nemali lenyenti kungenta kutsi kube lukhuni ngemuntfu kwemukela umlayeto weMbuso. (Luk 18:24-27) Nangabe umuntfu asebenta kamatima kuze anjinge, mancane ematfuba ekutsi abe nekukholwa lokucinile futsi sitawuba sincane sikhatsi sekwenta tintfo letijabulisa Jehova.—Mat 6:24; Mak 8:36.
Dlala i-VIDEO letsi Caphela Ungetsembeli Etintfweni Letitawuphela!—Umcebo, bese ubuta lombuto:
-
Umbhalo weTaga 23:4, 5 ungakusita njani kutsi wente tincumo letihlakaniphile?
8. Sifundvo SeliBhayibheli Selibandla
(30 imiz.) bt sehl. 10 ¶5-12
