TIMISELE EMSEBENTINI WEKUSHUMAYELA | YANDZISA INJABULO YAKHO EMSEBENTINI WEKUSHUMAYELA
Sita Lofundza Nabo LiBhayibheli Kutsi Bafundze Kutadisha Tintfo Letiphatselene NaNkulunkulu
Tifundvo teliBhayibheli kufanele tifundze lokwengetiwe kunalamaciniso lesitifundzisa wona kuze timati Jehova futsi tibe ngemaKhristu lavutsiwe. (Mat 5:3; Heb 5:12–6:2) Kufanele tifundze kutitadishela tintfo letiphatselene naNkulunkulu.
Kusukela nje nanicala kutadisha liBhayibheli, kufanele ukhombise tifundvo takho indlela yekulungiselela lesifundvo seliBhayibheli futsi ubakhutsate kutsi balungiselele. (mwb18.03 6) Bakhutsate kutsi bathantaze ngaphambi kwekutsi bacale kutadisha. Basite kutsi basebentise tintfo tabo tebuchwephesha nabatadisha. Bachazela kutsi bangakutfola njani kwatiswa lokusha ku-website yetfu letsi jw.org naseMsakatweni we-JW. Hlale ubafundzisa kutsi bafundze liBhayibheli onkhe malanga, balungiselele imihlangano yelibandla kanye nekucwaninga nabafuna timphendvulo temibuto labanayo. Basite bazindle ngaloko labakufundzako.
BUKELA I-VIDEO LETSI SITA LOFUNDZA NABO LIBHAYIBHELI KUTSI BAFUNDZE KUTADISHA TINTFO LETIPHATSELENE NANKULUNKULU, BESE NIPHENDVULA LEMIBUTO LELANDZELAKO:
-
Neeta umsite njani Jade wabona kutsi kutadisha kusho lokungetulu nje kwekwati timphendvulo?
-
Yini lesite Jade waciniseka kutsi Jehova wenta kahle ngekungakuvumeli kutiphatsa kabi ngekwelicansi?
-
Fundzisa lotadisha nabo liBhayibheli indlela yekutfola lwati lolwengetiwe kanye nekulusebentisa
Yini Jade labese uyayicondza ngekuzindla?
