Libandla laseThesalonika lakhombisa lutsandvo kulamanye emaKhristu ngisho nangetulu kwebumatima. (2Te 1:3, 4 ) Nalamuhla bantfu baJehova bakhombisa lutsandvo lolufanako kubazalwane labasemhlabeni wonkhe. Luchungechunge lwetihloko letiku-jw.org letingaphansi kwesihloko lesitsi “Indlela Iminikelo Yenu Lesetjentiswa Ngayo” ikhuluma ngendlela iminikelo yenu lesekela ngayo bazalwane kuletikhatsi letimatima. Siyanibonga ngelutsandvo lenilukhombisile kanye nekuba nesandla lesivulekile.

BUKELA I-VIDEO LETSI ‘SIHLALE SINIBONGELA KUNKULUNKULU,’ BESE NIPHENDVULA LEMIBUTO LELANDZELAKO:

• Ngumiphi leminye imisebenti lesekelwa yiminikelo yetfu?

• Nguyiphi indlela lekahle kakhulu yekusekela ngetimali bazalwane nabodzadzewetfu labeswele?—Buka nesihloko lesiku-website letsi jw.org lesitsi “Labanemali Lenyenti Basita Labanemali Lencane”