Imithantazo leyemukelekako kuJehova ifana nemphepho lenuka kamnandzi lebeyivame kushiswa embikwaJehova ethempelini. (Hl 141:2) Sikhombisa kutsi siyabatisa bungani lesinabo naBabe wetfu losezulwini nasiveta indlela lesimtsandza ngayo, indlela lesibonga ngayo siphindze simtjele tinkinga netifiso tetfu futsi sicele nesicondziso sakhe. Kuliciniso kutsi imithantazo lemifisha leyentiwa nasisemihlanganweni nayo Jehova uyitsatsa njengencenye lebalulekile yekumkhonta. Nobe kunjalo, kuyamjabulisa Jehova nangabe nasitithantazela siveta indlela lesicabanga ngayo nalesitiva ngayo futsi sikhulume naye sikhatsi lesidze.​—Tag 15:8.

BUKELANI I-VIDEO LETSI NGETSEMBELE EMTHANTAZWENI, BESE NIPHENDVULA LEMIBUTO LELANDZELAKO:

• Ngutiphi tabelo umzalwane Johnson lebekatijabulela?

• Umzalwane Johnson wetsembele njani kuJehova ngemthantazo?

• Ngutiphi tifundvo lotitfolile kuloko lokwenteka kumzalwane Johnson?