KUPHILA KWEMAKHRISTU
Indlela Yekuphendvula Kahle
Timphendvulo letinhle tiyabakha labanye. (Rom 14:19) Tiphindze tibasite nalabo labaphendvulako. (Tag 15:23, 28) Ngako-ke kufanele setame kuphendvula lokungenani kanye emhlanganweni ngamunye. Kuliciniso kutsi angeke sikhonjwe ngaso sonkhe sikhatsi nasiphakamisile. Ngako-ke kubalulekile kutsi silungiselele timphendvulo letimbalwa.
Imphendvulo lekahle . . .
-
yimfisha, iyacaca, futsi imelula. Esikhatsini lesinyenti ingatsatsa imizuzwana lengu-30 nobe ngaphasi
-
uyisho ngemagama akho
-
ayiphindzaphindzi lesebakushito
Nangabe kukhonjwe wena kucala, . . .
-
wuphendvule ngalokucondzile umbuto
Nangabe umbuto sewuphendvuliwe, unga . . .
-
veta kutsi umbhalo locashuniwe usebenta njani kulendzaba lokucocwa ngayo
-
chaza kutsi lendzaba ikutsintsa njani kuphila kwetfu
-
chaza kutsi singakusebentisa njani lesikufundzako
-
chaza kafishane ngesibonelo lesitsite lesigcizelela liphuzu lelibalulekile
