Njengobe kuhlupheka lokukhulu sekusedvute, umsebenti wetfu wekushumayela uyaphutfuma. (Tag 24:11, 12, 20) Kuze sisite bantfu, singawasebentisa lamakhadi kuze sibafundzise lokwengetiwe ngeliBhayibheli nange-website yetfu. Lelikhadi linekhodi longayisebentisa kuze ubukele i-video letsi Kungani Kufanele Sifundze LiBhayibheli? liphindze libe nencenye letsi fundza lokwengetiwe ngeliBhayibheli nobe ucele kuchutjelwa sifundvo seliBhayibheli. Labanye bantfu abatsandzi kutsatsa tincwadzi tetfu kodvwa bangakujabulela kusebentisa i-website yetfu. Ungangabati kubaniketa lelikhadi. Nobe kunjalo, lelikhadi ungaliniki bantfu labangatsandzi kufundza.

Ekuphileni kwamalanga onkhe, ungamenta umuntfu akunake ngekucalisa incociswano utsi: “Ngicela kukupha naku. Lelikhadi likutjela nge-website yetfu lenekwatiswa kwamahhala kanye nema-video lehlukahlukene.” (Joh 4:7) Njengobe lamakhadi amancane, ungahlala uwaphetse kuze uwanikete bantfu nakuvela litfuba.