KUNGANI KUBALULEKILE: Njengoba silingisa Jesu, kufanele sifakazele liciniso mayelana netinjongo taNkulunkulu. (Joh 18:37) Kufanele siphindze sijatjuliswe liciniso, sikhulume lona, futsi sinake nome ngutiphi tintfo letiliciniso, ngisho noma live lesiphila kulo ligcwele emanga nekungalungi.​—1Ko 13:6; Flp 4:8.

INDLELA YEKUKWENTA:

• Timisele kutsi ungayilaleli futsi ungayicoci inhlebo lengalimata labanye.​—1Te 4:11

• Ungajabuli nangabe labanye bangena etinkingeni

• Jatjuliswa tintfo letinhle naletakhako

BUKELA I-VIDEO LETSI “TSANDZANANI”​—UNGAJATJULISWA KUNGALUNGI, KODVWA JATJULISWA LICINISO, BESE UPHENDVULA LEMIBUTO:

• Yini leyakhombisa kutsi Dudu ‘bekajatjuliswa kungalungi’?

• Yini Gcinile layenta kute bacoce ngetintfo letakhako naDudu?

• Ngutiphi tintfo letinhle lesingacoca ngato?