Ngubuphi buntfu lobubuka kumngani? Kungenteka lokutsandza kakhulu kwetsembeka, ngumusa nekwephana. Jehova unabo bonkhe lobuntfu. (Eks 34:6; Imi 14:17) Uyalalela nawuthantaza kuye. Uyakusita nawudzinga lusito. (Hl 18:19, 35) Uyawatsetselela emaphutsa akho. (1Jh 1:9) Jehova ungumngani lomuhle kakhulu!

Ungaba njani ngumngani waJehova? Fundza ngaye eVini lakhe. Tfululela sifuba sakho kuye. (Hl 62:8; 142:2) Khombisa kutsi uyatatisa tintfo letibalulekile kuJehova, njengeNdvodzana yakhe, uMbuso wakhe netetsembiso takhe ngelikusasa. Tjela labanye ngaye. (Dut 32:3) Nangabe wakha buhlobo lobusedvute naJehova, utawuba ngumngani wakho phakadze.—Hl 73:25, 26, 28.

BUKELA I-VIDEO LETSI NINE LABASHA—“NAMBITSANI NIBONE KUTSI JEHOVA MUHLE,” BESE UPHENDVULA LEMIBUTO LELANDZELAKO:

• Ungatilungiselela njani kute utinikele futsi ubhajatiswe?

• Labanye ebandleni bangakusita njani kutsi ukhonte Jehova?

• Umsebenti wekushumayela ungabucinisa njani buhlobo bakho naJehova?

• Ngutiphi tabelo longatenta emsebentini waJehova?

• Yini loyitsandzako ngaJehova?