KUPHILA KWEMAKHRISTU
Kutfutfukisa Emakhono Etfu Emsebentini Wekushumayela —Kukhutsata Labakujabulelako Kufundza Kutsi Babekhona Emihlanganweni
KUBALULEKE NGANI?: Imihlangano yimibutsano lebakhona njalo lapho ‘sihlabelela Jehova’ futsi ‘simdvumise’. (Hla 149:1) Emihlanganweni sifundziswa kwenta intsandvo yaNkulunkulu. (Hla 143:10) Bantfu labakujabulelako kufundza kanye nalabo lesifundza nabo liBhayibheli bavame kutfutfuka kakhulu nabaya emihlanganweni.
INDLELA YEKUKWENTA:
-
Vele ummeme ngekushesha. Akudzingeki ulindze kuze kube ngulapho sekusifundvo seliBhayibheli.
—Sem 22:17 -
Chazela lomuntfu lokujabulelako kufundza loko lokufanele akulindzele kanye naloko lokutawucocwa ngako emhlanganweni lolandzelako. Loku lokulandzelako kungasita: Simemo semihlangano yelibandla, i-video letsi Yini Leyentekako EHholweni LeMbuso?, kanye netifundvo 5 na-7 tencwajana letsi Intsandvo YaJehova
-
Msite. Lomuntfu lokujabulelako kufundza uyakudzinga yini kwekuhamba nobe kusitwa kuze akhetse timphahla letifanele? Hlala naye emihlanganweni futsi umbukise lokufundvwako. Metfule kulabanye