Siyajabula ngekuba nencwajana nencwadzi lensha yekudadisha nebantfu liBhayibheli. Sithantazela kutsi Jehova ayibusise imetamo lesiyentako yekwenta bantfu labanyenti kutsi babe bafundzi. (Mat 28:18-20; 1Kt 3:6-9) Siwasebentisa njani lamathulusi lamasha?

Njengobe lencwadzi letsi Jabulela Kuphila Kuze Kube Phakadze!, iyincwadzi letakusita ulati kahle liBhayibheli, ita nendlela lensha yekufundzisa, landzela nati ticondziso letingentasi nawusalungiselela nanawuyodadisha nebantfu liBhayibheli. *

• Fundza leso sifundvo, bese nicoca ngemibuto

• Fundza imibhalo lebhalwe kutsi “fundza,” bese usita umfundzi acondze kutsi lemibhalo isebenta njani

• Dlala ema-video bese nicoca ngawo nisebentisa imibuto levetiwe

• Nawute kutofundzela umfundzi, yetamani kufundza sifundvo nisicedze

Nawusensimini, mnikete lencwajana kucala kute ubone kutsi lomnikati welikhaya unaso yini sifiso sekufundza. (Buka libhokisi lelitsi “ Indlela Yekuhambisa Incwajana Letsi Jabulela Kuphila Kuze Kube Phakadze! Nawucoca Nemuntfu Kwekucala.”) Nangabe senicedzile kufundza lencwajana kanye kanye futsi nemfundzi afuna kuchubeka, ungabese umniketa lencwadzi bese nichubekela kusifundvo 04. Nangabe sewuvele ufundza nalotsite incwadzi letsi Lingasifundzisani nobe letsi Tigcineni Elutsandvweni LwaNkulunkulu, ningabese nicala kufundza lencwadzi letsi Jabulela Kuphila Kuze Kube Phakadze! futsi kutawuncuma wena kutsi nicala kuphi.

BUKELA I-VIDEO LETSI SIYAKWEMUKELA ESIFUNDVWENI SAKHO SELIBHAYIBHELI, BESE NIPHENDVULA LEMIBUTO LELANDZELAKO:

• Yini bafundzi labatayifundza kulencwadzi lensha?

• Kungani kufanele sitibukelise le-video tifundvo letinsha?

• Ngumiphi imigomo lokufanele ukhutsate bafundzi kutsi batibekele yona futsi bayifinyelele? (Buka lishadi lelitsi “ Lokutawukhulunywa Ngako Nemigomo Encenyeni Ngayinye.”)