Kuphila kulamalanga ekugcina kugcwele tinkinga. Njengobe sisondzela ekupheleni kwalelive, tinkinga titawandza nakanjani. Ngalesinye sikhatsi singahle seswele tintfo letitsite. (Hab 3:16-18) Yini letasisita sikhone kubhekana netinkinga temnotfo ngekuciniseka? Kufanele sichubeke simetsemba Nkulunkulu wetfu, Jehova. Wetsembisa kutsi utatinakekela tinceku takhe, futsi angakhona kusiniketa loko lesikudzingako ngisho singaphansi kwatiphi timo.​—Hl 37:18, 19; Heb 13:5, 6.

Loko longakwenta:

• Cela Jehova kutsi akucondzise, akuphe kuhlakanipha aphindze akusekele.​—Hl 62:8

• Hlale ukulungele kwemukela umsebenti lokungenteka awuzange uke uwente ngaphambili.​—g-ZU 1/10 8-9, emabhokisi

• Cinisa buhlobo bakho naJehova ngekutsi ufundze liVi lakhe onkhe malanga, uye emihlanganweni yelibandla uphindze wente nemsebenti wekushumayela

BUKELANI I-VIDEO LETSI YAKHA LIKHAYA LELITAWUHLALA NJALO​—“YENETISEKA NGETINTFO LONATO,” BESE NIPHENDVULA LEMIBUTO LELANDZELAKO:

• Ngutiphi tinkinga leminye imindeni lebhekana nato?

• Nguyiphi intfo lebaluleke kakhulu ekuphileni?

• Singabasita njani labo lababhekene netinkinga temnotfo?