Yekucala KubaseKhorinte 8:1-13
8 Siyati kutsi sonkhe sinalo lwati+ mayelana nekudla lokunikelelwe tithico.+ Lwati lwenta umuntfu atikhukhumete, kodvwa lutsandvo luyakha.+
2 Nangabe umuntfu acabanga kutsi uyayati intfo letsite, usuke asengakayati ngendlela lokufanele ayati ngayo.
3 Kodvwa nangabe umuntfu atsandza Nkulunkulu, loyo muntfu watiwa nguNkulunkulu.
4 Mayelana nekudla kudla lokunikelelwe tithico, siyati kutsi sithico asisilutfo,+ nekutsi Nkulunkulu munye, futsi kute lomunye.+
5 Ngisho nobe bakhona labo lababitwa ngekutsi bonkulunkulu, kungaba kusezulwini nobe emhlabeni,+ njengobe nje babanyenti “bonkulunkulu” futsi amanyenti “nemakhosi,”
6 kodvwa kitsi kunaNkulunkulu munye,+ longuBabe,+ lokuvela kuye tonkhe tintfo, natsi lesikhonela yena;+ futsi kuneNkhosi yinye, lenguJesu Khristu, lokwavela ngayo tonkhe tintfo,+ natsi lesavela ngayo.
7 Kodvwa-ke akusibo bonkhe labanalolwati;+ ngenca yekutsi labanye bebake batihlanganisa netithico, batsi nabadla kudla lobekunikelelwe sithico bese bacabanga kutsi bayasikhonta,+ futsi nembeza wabo lobutsakatsaka ubese uyabalahla.*+
8 Kepha kudla ngeke kusisondzete kuNkulunkulu;+ nangabe singadli kute lesikweswelako, nanasidla kute lesikuzuzako.+
9 Kodvwa-ke caphelani kutsi ngandlela tsite lelilungelo lenu lekukhetsa lingabi sikhubekiso kulabo lababutsakatsaka.+
10 Ngobe nangabe umuntfu akubona wena lonelwati udla ethempelini lesithico, ngeke yini nembeza wakhe lobutsakatsaka umkhutsate kutsi adle, kuze kufike ezingeni lekutsi adle kudla lokunikelelwe tithico?
11 Ngako ngenca yelwati lwakho, lomuntfu lobutsakatsaka uyalimala, kantsi naye ungumzalwane wakho lowafelwa nguKhristu.+
12 Nangabe nine nona bazalwane benu futsi nilimata bonembeza+ babo lababutsakatsaka, nisuke nona Khristu.
13 Ngenca yaloko, nangabe kudla kumkhuba umzalwane wami, ngeke ngiphindze ngiyidle inyama, kuze ngingatomkhuba.+
Imibhalo lengentansi
^ NgesiGriki kutsi, “uyonakala.”
