Incwadzi Yekucala YeTikhronike 18:1-17
18 Ngemuva kwesikhatsi, Davide walwa nemaFilisti wawehlula, waphindze wawaphocelela kutsi abe ngephansi kwakhe, watsatsa iGathi+ nemadolobha langephansi kwayo* esandleni semaFilisti.+
2 Wabese uncoba bakaMowabi+ futsi lesive sakaMowabi saba tinceku taDavide futsi samletsela tipho.+
3 Davide wancoba iNkhosi Hadadezeri+ yaseSobha+ eceleni kwaseHamathi+ njengobe beyisendleleni iya kuyocalisa kubusa kwayo eMfuleni iYufrathe.+
4 Davide watfumba tincola letingu-1 000 taHadadezeri, nebagibeli bemahhashi labangu-7 000 kanye nemasotja akhe lahamba ngetinyawo langu-20 000.+ Davide wabese ujuba imisipha yawo onkhe lalamanye emahhashi, washiya langu-100 kuphela labedvonsa tincola.+
5 Ngesikhatsi emaSiriya aseDamaseko efikele kutosita iNkhosi Hadadezeri yaseSobha, Davide wabulala langu-22 000 awo.+
6 Davide wabese usungula tinkambu temasotja eSiriya yaseDamaseko, bantfu baseSiriya baba tinceku takhe futsi baletsa tetfulo.* Jehova wenta Davide wancoba* yonkhe indzawo lapho bekaya khona.+
7 Ngetulu kwaloko, Davide watsatsa emahawu eligolide layindingilizi etincekwini taHadadezeri wawaletsa eJerusalema.
8 Davide watsatsa litfusi lelinyenti kakhulu, kusukela eThibhathi naseKhuni, lokungemadolobha aHadadezeri. Solomoni wasebentisa lona kuze akhe Lwandle lwelitfusi,+ tinsika kanye netitja telitfusi.+
9 Yatsi iNkhosi Thoyi yaseHamathi nayiva kutsi Davide uncobe lonkhe libutfo leNkhosi Hadadezeri+ yaseSobha,+
10 ngekushesha yatfumela indvodzana yayo Hadoramu eNkhosini Davide kuze iyoyivusela iphindze iyihalalisele ngobe beyilwe naHadadezeri yaphindze yamncoba (ngobe Hadadezeri bekavame kulwa naThoyi) futsi Hadoramu waphatsela Davide tintfo letakhiwe ngelisiliva, ngeligolide nangelitfusi.
11 INkhosi Davide yanikela letintfo kuJehova,+ lokufaka ekhatsi lisiliva neligolide lebeyilitsetse kuto tonkhe nati tive: Ka-Edomu nakaMowabi, kuma-Amoni,+ kumaFilisti+ nakuma-Amaleki.+
12 Abishayi+ indvodzana yaSeruya+ wabulala bantfu besive saka-Edomu labangu-18 000 eSihosheni Seluswayi.+
13 Wamisa tinkambu temasotja ka-Edomu futsi bonkhe bantfu baka-Edomu baba tinceku taDavide.+ Jehova wasita Davide kutsi ancobe* noma ngabe ngukuphi lapho abeya khona.+
14 Davide wachubeka nekubusa kulo lonkhe laka-Israyeli+ futsi wenta sicinisekiso sekutsi bonkhe bantfu bayawugcina umtsetfo futsi baphatseke kahle.+
15 Jowabe indvodzana yaSeruya abephetse libutfo lemasotja,+ Jehoshafati+ indvodzana ya-Ahiludi bekangumgcini mabhuku,
16 Sadoki indvodzana ya-Ahitubi na-Ahimeleki indvodzana ya-Abiyatha, bebabaphristi, kantsi Shavsha yena bekangumabhalane.
17 Bhenaya indvodzana yaJehoyada bekaphetse bogadzi benkhosi.*+ Emadvodzana aDavide wona abesesigabeni sesibili nawusuka enkhosini.
Imibhalo lengentansi
^ Nobe “layitungeletile.”
^ Nobe “tipho.”
^ Nobe “wasindzisa.”
^ Nobe “asindzise.”
^ NgesiHebheru kutsi, “emaKherethi nemaPhelethi.”
