Incwadzi Yekucala YeTikhronike 24:1-31
24 Emacembu entalelwane ya-Aroni bekeme ngalendlela: Emadvodzana a-Aroni bekuboNadabi, Abihu,+ Eliyezeri na-Ithamari.+
2 Kodvwa boNadabi na-Abihu bafa kucala kunababe wabo+ futsi bebete emadvodzana; nome kunjalo, bo-Eliyezeri+ na-Ithamari bachubeka nekuba baphristi.
3 BoDavide naSadoki+ lebebavela emadvodzaneni a-Eliyezeri, na-Ahimeleki lobekavela emadvodzaneni a-Ithamari, bakha emacembu awo kute ente umsebenti wawo.
4 Njengobe emadvodzana a-Eliyezeri bekanebaholi labanyenti kunemadvodzana a-Ithamari, bawehlukanisa ngelinani lawo: Emadvodzaneni a-Eliyezeri bekunalangu-16 laba baholi bemindeni yakubo, kantsi emadvodzaneni a-Ithamari bekunalangu-8 laba baholi bemindeni yakubo.
5 Bachubeka babehlukanisa ngenkatho,+ behlukanisa licembu linye kulelinye ngobe bekunetindvuna tendzawo lengcwele netindvuna taNkulunkulu weliciniso, emadvodzaneni a-Eliyezeri nasemadvodzaneni a-Ithamari.
6 Shemaya indvodzana yaNethaneli mabhalane wemaLevi wabese ubhala emagama abo embikwenkhosi, tindvuna, Sadoki+ umphristi, Ahimeleki+ indvodzana ya-Abiyatha,+ netinhloko temindeni yebaphristi kanye neyemaLevi. Munye umndeni wakhetfwa kutsi ube wa-Eliyezeri lomunye waba wa-Ithamari.
7 Inkatho yekucala yadla Jehoyaribi; yesibili yadla Jedaya,
8 yesitsatfu yadla Harimi, yesine yadla Seyorimu,
9 yesihlanu yadla Malkhiya, yesitfupha yadla Mijamini,
10 yesi-7 yadla Hakhosi, yesi-8 yadla Abiya,+
11 yesi-9 yadla Jeshuwa, yesi-10 yadla Shekhaniya,
12 yesi-11 yadla Eliyashibi, yesi-12 yadla Jakimu,
13 yesi-13 yadla Hupha, yesi-14 yadla Jeshebeyabe,
14 yesi-15 yadla Bilga, yesi-16 yadla Imeri,
15 yesi-17 yadla Heziri, yesi-18 yadla Haphisesi,
16 yesi-19 yadla Phethahiya, yesi-20 yadla Jehezekeli,
17 yesi-21 yadla Jakhini, yesi-22 yadla Gamuli,
18 yesi-23 yadla Delaya, yesi-24 yadla Masiya.
19 Lena bekuyimisebenti yabo lebebayenta+ nabete endlini yaJehova ngekuvumelana nendlela yekusebenta lebeyibekwe ngukhokho wabo Aroni, njengobe Jehova Nkulunkulu waka-Israyeli bekamyalile.
20 Kulalamanye emaLevi: emadvodzaneni a-Amramu,+ bekunaShubayeli;+ emadvodzaneni aShubayeli bekunguJedeya;
21 emadvodzaneni aRehabiya,+ Jishiya bekayinhloko;
22 esitukulwaneni saJisihari, kunguShelomothi;+ emadvodzaneni aShelomothi bekunguJahathi;
23 emadvodzaneni aHebroni, Jeriya+ bekayinhloko, Amariya awesibili, Jahaziyeli awesitsatfu, Jekameyamu awesine;
24 emadvodzaneni a-Uziyeli bekunguMikha; emadvodzaneni aMikha bekunguShamiri.
25 UmnakaboMikha bekunguJishiya; emadvodzaneni aJishiya bekunguZakhariya.
26 Emadvodzana aMerari+ bekuboMahali naMushi; emadvodzaneni aJaziya kunguBeno.
27 Esitukulwaneni saMerari, emadvodzana aJaziya bekuboBeno, Shohamu, Zakhuri na-Ibri;
28 esitukulwaneni saMahali, bekuna-Eliyezeri lobekete emadvodzana;+
29 emadvodzaneni aKhishi, bekunguJerameli;
30 emadvodzana aMushi bekuboMahali, Ederi naJerimothi.
Lawa bekungemadvodzana aLevi ngemindeni yawo.
31 Baphindze bashaya inkatho+ njengabomnakabo, emadvodzana a-Aroni embikweNkhosi Davide, Sadoki, Ahimeleki kanye nato tonkhe tinhloko temindeni yebaphristi nemaLevi. Umndeni walomdzala bewuphatfwa ngendlela lefanako nemndeni walomncane.
