Incwadzi Yekucala YeTikhronike 26:1-32
26 Emacembu abogadzi bemasango+ bekeme kanje: Esitukulwaneni saKhora, bekunguMeshelemiya+ indvodzana yaKhore lobekavela emadvodzaneni a-Asafa.
2 Meshelemiya bekanemadvodzana: Yekucala bekunguZakhariya, yesibili kunguJediyayeli, yesitsatfu kunguZebadiya, yesine kunguJatniyeli,
3 yesihlanu kungu-Elamu, yesitfupha kunguJehohanani, yesi-7 kungu-Eliyoyenayi.
4 Obedi-edomu bekanemadvodzana: Shemaya abewekucala, Jehozabadi awesibili, Jowa awesitsatfu, Sakhari awesine, Nethaneli awesihlanu,
5 Amiyeli awesitfupha, Isakhari awesi-7 futsi Phewulethayi bekawesi-8; ngobe Nkulunkulu bekambusisile Obedi-edomu.
6 Mayelana nendvodzana yakhe Shemaya, yatala emadvodzana laba baholi bemindeni ngobe bekangemadvodza lanemandla nalanelikhono.
7 Emadvodzana aShemaya bekubo-Othni, Refayeli, Obedi, na-Elzabadi; bomnakabo bo-Elihu naSemakhiya, nabo bebangemadvodza lanelikhono.
8 Bonkhe laba bebabantfwana bemadvodzana a-Obedi-edomu, bona kanye nemadvodzana abo nabomnakabo, bebangemadvodza lanelikhono nelwati lwekwenta lomsebenti. Bebangu-62, bavela endlini ya-Obedi-edomu.
9 Meshelemiya+ bekanemadvodzana kanye nabomnakabo, bekungemadvodza langu-18 lanelikhono.
10 Hosa lobekavela emadvodzaneni aMerari bekanemadvodzana. Shimri bekayinhloko, ngisho nobe bekangasiyo indvodzana yekucala, babe wakhe wamkhetsa kutsi abe yinhloko,
11 Hilkiya abewesibili, Thabaliya abewesitsatfu kantsi Zakhariya abewesine. Onkhe emadvodzana aHosa nabomnakabo, bebangu-13.
12 Kulamacembu abogadzi bemasango, baholi bebanemisebenti lefana neyabomnakabo yekutsi bente imisebenti endlini yaJehova.
13 Ngako bashaya inkatho,+ bashayela labancane nalabadzala ngendlela lefanako, ngemindeni yakubo kutsi bagadze emagede lahlukahlukene.
14 Inkatho yekugadza ligede lelingasemphumalanga yadla Shelemiya. Ngobe indvodzana yakhe, Zakhariya lobekangumeluleki lohlakaniphile, bamshayela inkatho futsi inkatho yakhe yamudla kutsi abogadza ligede lelingasenyakatfo.
15 Obedi-edomu wadliwa yinkatho yekugadza lisango lelingaseningizimu kantsi emadvodzana akhe+ aniketwa umsebenti wekugadza tindzawo tekugcina tintfo.
16 BoShuphimi naHosa+ badliwa yinkatho yekugadza ngasenshonalanga, eceleni kweligede iShalekethi ngasemgwacweni lomkhulu lowenyukelako, futsi lamacembu abogadzi abesebenta ngekubambisana;
17 bekunemaLevi lasitfupha ngasemphumalanga; ngasenyakatfo bekuba nalamane onkhe emalanga nangaseningizimu kube nalamane onkhe emalanga; kantsi tindzawo tekugcina tintfo+ abetigadza ngamabili;
18 kuvulandi longasenshonalanga, bekamane emgwacweni lomkhulu,+ bese aba mabili kulovulandi.
19 Lawa bekungemacembu abogadzi bemagede labebavela esitukulwaneni saKhora nesaMerari.
20 KumaLevi, Ahiya bekengamele tindzawo tendlu yaNkulunkulu weliciniso tekugcina umcebo kanye netindzawo tekugcina tintfo letingcwelisiwe.*+
21 Emadvodzana aLadani: emadvodzana lavela kumaGeshoni aLadani, tinhloko temindeni taLadani umGeshoni, Jehiyeli+
22 nemadvodzana aJehiyeli, Zethami naJoweli umnakabo. Bebabuke tindzawo tekugcina umcebo endlini yaJehova.+
23 Kuma-Amramu, nakumaJisihari, nakumaHebroni, nakuma-Uziyeli,+
24 Shubayeli indvodzana yaGeshomu lobekayindvodzana yaMosi, bekayindvuna lebuke tindlu tekugcina tintfo.
25 Bomnakabo, labebasitukulwane sa-Eliyezeri,+ bekuboRehabiya,+ Jeshaya, Joramu, Zikhri naShelomothi.
26 Shelomothi kanye nabomnakabo bebabuke tonkhe tindzawo lebekugcinwa kuto tintfo lebetentiwe taba ngcwele,+ leto iNkhosi Davide,+ tinhloko temindeni,+ tindvuna tetinkhulungwane netemakhulu kanye netindvuna telibutfo lebebatente taba ngcwele.
27 Tintfo lebebatitsatsa etimphini+ netintfo labebatitsatsela tona kubantfu labebancotjiwe,+ bebatingcwelisa kuze kugcinwe indlu yaJehova isesimeni lesikahle;
28 kanye nako konkhe loko boSamuweli umboni wemibono,+ Sawula indvodzana yaKhishi, Abneri+ indvodzana yaNeri naJowabe+ indvodzana yaSeruya+ lebebakungcwelisile. Nome ngabe yini lebeyingcwelisiwe, beyinakekelwa nguShelomithi nabomnakabo.
29 Esitukulwaneni saJisihari,+ Khenaniya kanye nemadvodzana akhe banikwa imisebenti ngephandle kwendlu yaNkulunkulu yekuba tindvuna nebehluleli+ ka-Israyeli.
30 Esitukulwaneni saHebroni,+ Hashabiya nabomnakabo, lebebangemadvodza langu-1 700 lanelikhono, babekwa kutsi baphatse ka-Israyeli esifundzeni lesisenshonalanga neJordane. Bebabuke wonkhe umsebenti waJehova kanye newenkhosi.
31 Esitukulwaneni saHebroni, Jeriya+ bekayinhloko yalesitukulwane, kuye ngeluhla lwekutalana lwemindeni yaso. Ngemnyaka wesi-40 wekubusa kwaDavide,+ kwentiwa luhlolo kufunwa emadvodza latingwazi nalanelikhono futsi atfolakala kubantfu balesitukulwane lebebaseJazeri+ leseGileyadi.
32 Bomnakabo bebangu-2 700, bangemadvodza lanelikhono futsi batinhloko temindeni yakubo. Ngako iNkhosi Davide yabanika umsebenti wekutsi babuke sive sakaRubeni, sakaGadi, kanye nehhafu yesive sakaManase kuto tonkhe tindzaba letimayelana naNkulunkulu weliciniso naletimayelana nenkhosi.
Imibhalo lengentansi
^ Nobe “tintfo letinikelwe.”
