Incwadzi Yekucala YeTikhronike 27:1-34
-
Baphatsi labasebentela inkhosi (1-34)
27 Leli linani lema-Israyeli, tinhloko temindeni, tindvuna tetinkhulungwane, netindvuna temakhulu,+ kanye netindvuna tawo lebetisebentela inkhosi+ kuto tonkhe tindzaba lebetiphatselene nemacembu lebeketa ngekushintjana* inyanga nenyanga, tonkhe tinyanga temnyaka; licembu ngalinye beliba netisebenti letingu-24 000.
2 Lobekaphetse licembu lekucala lebelisebenta ngenyanga yekucala, bekunguJashobeyamu+ indvodzana yaZabdiyeli, futsi bebangu-24 000 ecenjini lakhe.
3 Jashobeyamu bekavela esitukulwaneni saPheresi+ futsi bekayinhloko yato tonkhe tindvuna temacembu labekabelwe kusebenta ngenyanga yekucala.
4 Lobekaphetse licembu lebelisebenta ngenyanga yesibili bekunguDodayi+ wesive sema-Ahoha,+ Mikilothi angumholi futsi bebangu-24 000 ecenjini lakhe.
5 Indvuna yelicembu lesitsatfu lebeyabelwe kutsi isebente ngenyanga yesitsatfu bekunguBhenaya+ indvodzana yaJehoyada+ umphristi lomkhulu. Bebangu-24 000 ecenjini lakhe.
6 Bhenaya bekalisotja lelilichawe kulawa langu-30 futsi awaphetse. Umholi welicembu lakhe bekungu-Amizabadi indvodzana yakhe.
7 Wesine lobekaphetse licembu lebelisebenta ngenyanga yesine, bekungu-Asaheli+ umnakaboJowabe.+ Indvodzana yakhe Zebadiya yangena esikhundleni sakhe. Bebangu-24 000 ecenjini lakhe.
8 Wesihlanu lobekaphetse licembu lebelisebenta ngenyanga yesihlanu bekunguShamhuthi umJizrahi. Bebangu-24 000 ecenjini lakhe.
9 Wesitfupha lobekaphetse licembu lebelisebenta ngenyanga yesitfupha, bekungu-Ira+ indvodzana ya-Ikheshi umThekhowa.+ Bebangu-24 000 ecenjini lakhe.
10 Wesi-7 lobekaphetse licembu lebelisebenta ngenyanga yesi-7, bekunguHelesi+ umPheloni wesive saka-Efrayimu. Bebangu-24 000 ecenjini lakhe.
11 Wesi-8 lobekaphetse licembu lebelisebenta ngenyanga yesi-8, bekunguSibhekayi+ umHusha wesitukulwane saZera.+ Bebangu-24 000 ecenjini lakhe.
12 Wesi-9 lobekaphetse licembu lebelisebenta ngenyanga yesi-9, bekungu-Abiyezeri+ um-Anathothi+ wakaBhenjamini. Bebangu-24 000 ecenjini lakhe.
13 Wesi-10 lobekaphetse licembu lebelisebenta ngenyanga yesi-10, bekunguMaharayi+ umNethofa wesitukulwane saZera.+ Bebangu-24 000 ecenjini lakhe.
14 Wesi-11 lobekaphetse licembu lebelisebenta ngenyanga yesi-11, bekunguBhenaya+ wasePhirathoni wesive saka-Efrayimu. Bebangu-24 000 ecenjini lakhe.
15 Wesi-12 lobekaphetse licembu lebelisebenta ngenyanga yesi-12, bekunguHeldayi umNethofa, wase-Othniyeli. Bebangu-24 000 ecenjini lakhe.
16 Laba bekubaholi betive taka-Israyeli: Esiveni sakaRubeni bekungu-Eliyezeri indvodzana yaZikhri; esiveni sakaSimeyoni bekunguShefathiya indvodzana yaMakha;
17 esiveni sakaLevi bekunguHashabiya indvodzana yaKhemuweli; esitukulwaneni sa-Aroni bekunguSadoki;
18 esiveni sakaJuda bekungu-Elihu,+ umnakaboDavide; esiveni saka-Isakhari bekungu-Omri indvodzana yaMikhayeli;
19 esiveni sakaZebuloni bekungu-Ishmaya indvodzana ya-Obadiya; esiveni sakaNaftali bekunguJerimothi indvodzana ya-Azriyeli;
20 esiveni saka-Efrayimu bekunguHosheya indvodzana ya-Azaziya; lobekangumholi wehhafu yesive sakaManase bekunguJoweli indvodzana yaPhedaya;
21 umholi wehhafu yesive sakaManase lebesiseGileyadi bekungu-Ido indvodzana yaZakhariya; wesive sakaBhenjamini bekunguJasiyeli indvodzana ya-Abneri;+
22 wesive sakaDani bekungu-Azareli indvodzana yaJerohamu. Laba-ke bekungibo baholi betive taka-Israyeli.
23 Davide akazange ababale labo lebebaneminyaka lengu-20 budzala kuya phansi, ngobe Jehova bekatsembisile kutsi utakwenta ema-Israyeli abe manyenti ngangetinkhanyeti temazulu.+
24 Jowabe indvodzana yaSeruya abesacalile kuwabala kodvwa akazange acedze. Intfukutselo yaNkulunkulu yawavutsela ema-Israyeli* ngenca yaloko,+ futsi lelinani alizange lifakwe emlandvweni wangetikhatsi teNkhosi Davide.
25 Azmavethi indvodzana ya-Adiyeli bekabuke tindzawo tekugcina umcebo wenkhosi.+ Jonathani indvodzana ya-Uziya bekabuke tindlu tekugcina tintfo lebetisemasimini, emadolobheni, emakhaya nasemibhoshongweni.
26 Ezri indvodzana yaKhelubi bekaphetse tisebenti tasemasimini.
27 Shimeyi waseRama abebuke emasimu emagilebisi; Zabdi waseShefamu bekabuke sivuno salamasimu emagilebisi lebekwentiwa ngawo liwayini.
28 Bhali-hanani umGederi bekabuke emasimu etihlahla temncumo netemsikhamori+ eShefela;+ Jowashi bekabuke kwabiwa kwemafutsa.
29 Shitrayi waseSharoni+ bekanakekela imihlambi yetilwane lebetidla eSharoni, bese kutsi Shafati indvodzana ya-Adilayi anakekela imihlambi lebeyisematsafeni.
30 Obili waka-Ishmayeli bekanakekela emakamela; Jedeya waseMeronothi bekanakekela timbongolo.*
31 Jazizi umHagari bekanakekela imihlambi yetimvu neyetimbuti. Bonkhe laba bebatindvuna lebetibuke tintfo teNkhosi Davide.
32 Jonathani,+ umntfwana wemnakaboDavide, bekangumeluleki, ayindvodza lehlakaniphile aphindze abe ngumabhalane, kantsi Jehiyeli indvodzana yaHakhamoni bekabuke emadvodzana enkhosi.+
33 Ahithofeli+ bekangumeluleki wenkhosi bese Hushayi+ um-Akhi angumngani* wayo.
34 Esikhundleni sakhe, Ahithofeli walandzelwa boJehoyada indvodzana yaBhenaya+ na-Abiyatha;+ Jowabe+ bekayindvuna yelibutfo lenkhosi.
Imibhalo lengentansi
^ NgesiHebheru kutsi, “lebebangena baphindze baphume.”
^ NgesiHebheru kutsi, “intfukutselo beyisetikwema-Israyeli.”
^ NgesiHebheru kutsi, “timbongolo letinsikati.”
^ Nobe “angumuntfu latfululela kuye sifuba.”
