Incwadzi Yekucala YeTikhronike 4:1-43
4 Emadvodzana aJuda bekuboPheresi,+ Hesroni,+ Khami, Hure+ naShobali.+
2 Reyaya indvodzana yaShobali watala Jahathi; Jahathi watala Ahumayi naLahadi. Lena bekuyimindeni yemaSorathi.+
3 Lawa bekungemadvodzana ababe* wa-Etamu:+ Jezreyeli, Ishma na-Idibashi (libito ladzadzewawo bekunguHaselelponi),
4 Phenuweli bekangubabe waGedori, Eseri angubabe waHusha. Lawa bekungemadvodzana aHure+ litibulo la-Efratha futsi angubabe waBhetlehema.+
5 Ashuri+ babe waThekhowa+ bekanebafati lababili, bekuboHela naNara.
6 Nara wamtalela Ahuzami, Heferi, Themeni naHahashtari. Lawa bekungemadvodzana aNara.
7 Emadvodzana aHela bekuboSerethi, Jisihari na-Ethani.
8 Khosi watala Anubi, Hasobeba kanye nemindeni ya-Ahaheli indvodzana yaHarumu.
9 Jabesi abehlonipheke kakhulu kunabomnakabo; futsi make wakhe wametsa watsi nguJabesi,* ngobe abetsi: “Ngamtala ngetinhlungu.”
10 Jabesi wathantaza kuNkulunkulu wema-Israyeli, watsi: “Shengatsi ungangibusisa wandzise nendzawo yami futsi shengatsi sandla sakho singaba nami uphindze ungivikele enhlekeleleni kute ingangehleli futsi ingangilimati!” Ngako Nkulunkulu wamentela loko lebekakucelile.
11 Khelubi umnakaboShuha watala Mehiri lobekangubabe wa-Eshtoni.
12 Eshtoni watala Bhethi-rafa, Phaseya naThehina babe wa-Iri-nahashi. Lawa bekungemadvodza aseRekha.
13 Emadvodzana aKhenazi bekubo-Othniyeli+ naSeraya, futsi indvodzana* ya-Othniyeli bekunguHathathi.
14 Meyonothayi watala Ofra. Seraya watala Jowabe babe wemaGe-harashimu,* bekabitwa kanjalo ngobe bekenta imisebenti yetandla.
15 Emadvodzana aKhalebi+ indvodzana yaJefune bekubo-Iru, Ela naNamu; indvodzana* ya-Ela bekunguKhenazi.
16 Emadvodzana aJehaleli bekuboZifu, Zifi, Thiriya na-Asareli.
17 Emadvodzana a-Ezra bekuboJetheri, Meredi, Eferi naJaloni; wakhulelwa* futsi watala Miriyamu, Shamayi na-Ishbha babe wa-Eshtemoya.
18 (Umkakhe longumJuda watala Jaredi babe waGedori, Hebere babe waSokho kanye naJekuthiyeli babe waZanowa.) Lawa bekungemadvodzana aBithiya indvodzakati yaFaro, leyashada naMeredi.
19 Emadvodzana emfati waHodiya lobekangudzadzewaboNahamu, bekabobabe baboKheyila umGami na-Eshtemoya umMakhathi.
20 Emadvodzana aShimoni bekubo-Amnoni, Rina, Bheni-hanani naThiloni. Emadvodzana a-Ishi bekuboZohethi naBheni-zohethi.
21 Emadvodzana aShela+ indvodzana yaJuda bekubo-Eri babe waLekha, Lada babe waMaresha, kanye nemindeni yebantfu labebasebenta ngendvwangu yelikhetselo bendlu ya-Ashbeya,
22 naJokimi kanye nebantfu baseKhozeba, Jowashi naSarafi, labatsatsa bafati kaMowabi kanye naJashubi-lehemi. Lona ngumlandvo wakadzeni.*
23 Laba bebababumbi lebebahlala eNethayimu naseGedera. Bebahlala lapho futsi bebasebentela inkhosi.
24 Emadvodzana aSimeyoni+ bekuboNemuweli, Jamini, Jaribi, Zera naShawula.+
25 Shalumi bekayindvodzana* yakhe, Mibsamu ayindvodzana yakhe naMishma ayindvodzana yakhe.
26 Emadvodzana aMishma bekunguHamuweli indvodzana yakhe, Zakhuri indvodzana yakhe, Shimeyi indvodzana yakhe.
27 Shimeyi bekanemadvodzana langu-16 nemadvodzakati lasitfupha; kodvwa bomnakabo bebete emadvodzana lamanyenti futsi kute emindenini yabo lebekanemadvodzana lamanyenti njengemadvodza akaJuda.+
28 Bebahlala eBherisheba,+ eMolada,+ eHasari-shuwali,+
29 eBilha, e-Esemu,+ eTholadi,
30 eBethuweli,+ eHoma,+ eSikilagi,+
31 eBhethi-makhabothi, eHasari-susimu,+ eBhethi-bhiri naseSharayimu. Lawa bekungemadolobha abo kwaze kwaba ngulapho Davide acala kubusa.
32 Tindzawo lebebahlala kuto bekuyi-Etamu, i-Ayini, iRimona, iThokheni ne-Ashani,+ emadolobha lasihlanu,
33 kanye naletinye tindzawo lebebakhe kuto lebetibomakhelwane bawo onkhe lamadolobha kuze kuyofika eBhalathi. Lawa ngemabito lebekabhalwe emabhukwini emindeni yawo netindzawo lebebahlala kuto.
34 Meshobabi, Jamleki, Josha indvodzana ya-Amasiya,
35 Joweli, Jehu indvodzana yaJoshibiya loyindvodzana yaSeraya loyindvodzana ya-Asiyeli,
36 na-Eliyoyenayi, Jakoba, Jeshohaya, Asaya, Adiyeli, Jesimiyeli, Bhenaya,
37 naZiza indvodzana yaShifi, loyindvodzana ya-Aloni, loyindvodzana yaJedaya, loyindvodzana yaShimri, loyindvodzana yaShemaya;
38 laba lababitwe ngemagama bebatinhloko temindeni futsi imindeni yabokhokho babo yandza.
39 Bahamba baya ekungeneni kweGedori, ngasemphumalanga yesihosha, kuze babukele imihlambi yabo emadlelo.
40 Bagcina batfole emadlelo lanotsile nalamahle futsi lendzawo beyiyinkhulu, ithulile futsi ingaphazanyiswa lutfo. Bantfu lebebahlala lapho esikhatsini lesendlulile bekubesive semaHhamu.+
41 Laba lokubhalwe emabito abo befika ngesikhatsi seNkhosi Hezekiya+ yakaJuda futsi badzilita emathende esive semaHhamu nesemaMeyunimu lebekalapho. Batibhubhisa kuze kube ngulamuhla; bahlala endzaweni yato ngobe bekunemadlelo emihlambi yabo lapho.
42 Labanye besive sakaSimeyoni, emadvodza langu-500, baya eNtsabeni iSeyiri+ bahamba naPhelatiya, Neyariya, Refaya na-Uziyeli, emadvodzana a-Ishi lebekabahola.
43 Babese babulala ema-Amaleki+ lebekaphunyulile futsi solo bahlala lapho kuze kube ngulamuhla.
Imibhalo lengentansi
^ Lamanye emagama kulesahluko angahle asho tindzawo esikhundleni sebantfu. Kuleto tindzawo, ‘babe’ angahle asho ‘umsunguli.’
^ Ligama lelitsi Jabesi lingahlotjaniswa neligama lesiHebheru lelisho “buhlungu.”
^ NgesiHebheru kutsi, “emadvodzana.”
^ Lokusho kutsi “Sigodzi Sebantfu Labenta Imisebenti Yetandla.”
^ NgesiHebheru kutsi, “emadvodzana.”
^ Kungenteka kubhekiselwa kuBithiya lokukhulunywa ngaye kuvesi 18.
^ Nobe “Leti tindzaba takadzeni.”
^ NgesiHebheru leligama lingasho ‘indvodzana,’ ‘umtukulu’ nobe ‘intalelwane.’
