Incwadzi Yekucala YeTikhronike 7:1-40
7 Emadvodzana a-Isakhari bekuboThola, Phuwa, Jashubi naShimroni,+ bekamane.
2 Emadvodzana aThola bekubo-Uzi, Refaya, Jeriyeli, Jamayi, Ibsamu naShemuweli, atinhloko temindeni yakubo. Intalelwane yaThola bekungemasotja langemachawe, labekangu-22 600 ngesikhatsi saDavide.
3 Intalelwane* ya-Uzi bekunguJizrahi futsi emadvodzana aJizrahi bekuboMikhayeli, Obadiya, Joweli kanye naJishiya, onkhe lamadvodzana lasihlanu bekatindvuna.*
4 Letindvuna, kuye ngentalelwane yato nangemindeni yato, betikanye nemasotja langu-36 000 ebutfweni lato labelungele imphi ngobe betinebafati nemadvodzana lamanyenti.
5 Bomnakabo labakuyo yonkhe lemindeni ya-Isakhari bebangemasotja langemachawe langu-87 000, njengobe bebabhalwe eluhlwini lwekutalwa.+
6 Emadvodzana aBhenjamini+ bekuboBhela,+ Bekheri+ naJediyayeli,+ bekamatsatfu.
7 Emadvodzana aBhela bekubo-Esboni, Uzi, Uziyeli, Jerimothi na-Iri, bekasihlanu, atinhloko temindeni yakubo, bekangemasotja latingwazi futsi bekangu-22 034 eluhlwini lwekutalwa.+
8 Emadvodzana aBekheri bekuboZemira, Jowashi, Eliyezeri, Eliyoyenayi, Omri, Jeremothi, Abiya, Anathothi na-Alemethi, bonkhe laba bebangemadvodzana aBekheri.
9 Nababhaliswa ngentalelwane yabo nangetinhloko tabo temindeni, bebangemasotja latingwazi langu-20 200.
10 Emadvodzana aJediyayeli+ bekuboBilhani kantsi emadvodzana aBilhani bekuboJewushe, Bhenjamini, Ehudi, Khenana, Zethani, Thashishi na-Ahishahari.
11 Onkhe lawa bekungemadvodzana aJediyayeli, ngetinhloko tabokhokho bawo, bebangemasotja langemachawe langu-17 200 lalungele kuya emphini.
12 EmaShuphimi nemaHuphimi bekangemadvodzana a-Ire;+ emaHushimu bekangemadvodzana a-Aheri.
13 Emadvodzana aNaftali+ bekuboJahasiyeli, Guni, Jeseri naShalumi, bekayintalelwane* yaBilha.+
14 Lawa ngemadvodzana aManase:+ Asriyeli lowatalwa ngumfati wakhe lomncane longumSiriya. (Lomfati watala Makhire+ babe waGileyadi.
15 Makhire watsatsela boHuphimi naShuphimi bafati, futsi ligama ladzadzewabo bekunguMakha.) Ligama lendvodzana yesibili bekunguSelofehadi+ kodvwa Selofehadi bekanemadvodzakati.+
16 Makha, umfati waMakhire watala indvodzana wayibita ngekutsi nguPhereshi; ligama lemnakabo bekunguShereshi; futsi emadvodzana aShereshi bekungu-Ulamu naRekhemu.
17 Indvodzana* ya-Ulamu bekunguBedani. Lawa bekungemadvodzana aGileyadi indvodzana yaMakhire loyindvodzana yaManase.
18 Dzadzewabo bekunguHamolekhethi. Watala Ishodi, Abiyezeri naMahala.
19 Emadvodzana aShemida bekubo-Ahiyani, Shekhemu, Likhi na-Aniyamu.
20 Emadvodzana a-Efrayimu+ bekunguShuthela,+ indvodzana yakhe kunguBheredi, indvodzana yakhe kunguThahathi, indvodzana yakhe kungu-Eleyada, indvodzana yakhe kunguThahathi,
21 indvodzana yakhe kunguZabadi, indvodzana yakhe kunguShuthela, Eseri na-Eleyadi. Emadvodza aseGathi+ lebekatalwe kulelo live ahamba ayokweba imfuyo yemadvodzana a-Efrayimu futsi abulala Eseri na-Eleyadi.
22 Efrayimu, babe wabo, walila emalanga lamanyenti futsi bomnakabo bebasolo beta kuye kuze bamdvudvute.
23 Ngemuva kwaloko, waya ecansini nemkakhe futsi wakhulelwa wase utala indvodzana. Kodvwa Efrayimu wayetsa watsi nguBheriya* ngobe lomkakhe waba sendlini yakhe ngenca yelusizi.
24 Indvodzakati yakhe bekunguShera lowakha iBhethi-horoni Lengentasi+ naLengenhla+ kanye ne-Uzeni-shera.
25 BekunaRefa indvodzana yakhe, Reshefi, Thela indvodzana yakhe, Thahani indvodzana yakhe,
26 Ladani indvodzana yakhe, Amihudi indvodzana yakhe, Elishama indvodzana yakhe,
27 Nuni indvodzana yakhe, naJoshuwa*+ indvodzana yakhe.
28 Lifa labo kanye nendzawo lebebahlala kuyo bekuyiBetheli+ kanye nemadolobha langephansi kwayo,* ngasemphumalanga bekuyiNarani, ngasenshonalanga kuyiGezeri nemadolobha langephansi kwayo, iShekhemu nemadolobha langephansi kwayo kuyofika e-Aya* kanye nemadolobha langephansi kwayo;
29 kantsi eceleni kwentalelwane yaManase bekuyiBhethi-sheyani+ nemadolobha langephansi kwayo, iThanaki+ nemadolobha langephansi kwayo, iMegido+ nemadolobha langephansi kwayo, iDori+ nemadolobha langephansi kwayo. Kuletindzawo, bekuhlala intalelwane yaJosefa indvodzana ya-Israyeli.
30 Emadvodzana a-Asheri bekuboJimna, Jishuwa, Jishvi naBheriya+ futsi dzadzewabo bekunguSera.+
31 Emadvodzana aBheriya bekuboHebere naMalkhiyeli lobekangubabe waBizayithi.
32 Hebere watala Jafleti, Shomeri, Hothami kanye naShuwa sisi wabo.
33 Emadvodzana aJafleti bekuboPhasaki, Bimhali na-Ashvathi. Lawa bekungemadvodzana aJafleti.
34 Emadvodzana aShemeri* bekubo-Ahi, Roga, Hubha na-Aramu.
35 Emadvodzana aHelemi* umnakabo bekuboSofa, Jimna, Sheleshi na-Amali.
36 Emadvodzana aSofa bekuboShuwa, Haneferi, Shuwali, Beri, Jimra,
37 Beseri, Hodi, Shama, Shilsha, Jithrani naBheyera.
38 Emadvodzana aJetheri bekuboJefune, Phispha na-Ara.
39 Emadvodzana a-Ula bekubo-Ara, Haniyeli naRisiya.
40 Bonkhe laba bebangemadvodzana a-Asheri, tinhloko temindeni yakubo, emadvodza elikhetselo, emasotja langemachawe, baphatsi betindvuna; futsi linani labo lebeliseluhlwini lwekubhaliswa+ kwabo belingemadvodza langu-26 000+ ebutfweni, lalungele kuya emphini.
Imibhalo lengentansi
^ NgesiHebheru kutsi, “tinhloko.”
^ NgesiHebheru kutsi, “Emadvodzana.”
^ NgesiHebheru kutsi, “Emadvodzana.”
^ NgesiHebheru kutsi, “Emadvodzana.”
^ Lokusho kutsi “Ngelusizi.”
^ Nobe “Jehoshuwa,” lokusho kutsi “Jehova Uyinsindziso.”
^ Nobe “layitungeletile.”
^ Kungaphindze kubekwe ngekutsi, “eGaza,” naloku kungesiyo iGaza yaseFilistiya.
^ Ubitwa nangekutsi nguShomeri kuvesi 32.
^ Kungenteka solo nguHothami lokuvesi 32.