Ezra 10:1-44
10 Ngesikhatsi Ezra athantaza+ avuma tono lebetentiwe bantfu bakubo, akhala futsi alele phansi embikwendlu yaNkulunkulu weliciniso, sicumbi lesikhulu sebantfu baka-Israyeli, lebesifaka ekhatsi emadvodza, bafati kanye nebantfwana sabutsana kuye, futsi labantfu bebakhala kakhulu.
2 Ngako Shekhaniya indvodzana yaJehiyeli,+ lovela emadvodzaneni a-Elamu+ watsi ku-Ezra: “Asiketsembeki kuNkulunkulu wetfu ngekutsi sitsatse* bafati bakuletinye tive.+ Nobe kunjalo, lisekhona litsemba ngema-Israyeli.
3 Nyalo asenteni sivumelwane naNkulunkulu wetfu+ sekutsi sihambise bonkhe labafati nebantfwana babo, ngekuvumelana nesicondziso saJehova nesalabo labahlonipha* umyalo waNkulunkulu wetfu.+ Asenteni ngekuvumelana neMtsetfo.
4 Sukuma ngobe lendzaba isetandleni takho, futsi tsine sinawe. Bani nesibindzi, uyisebente lendzaba.”
5 Ngaleso sikhatsi Ezra wasukuma watjela labaholako kubaphristi, kumaLevi nakuwo onkhe ema-Israyeli kutsi bente sifungo sekutsi batawenta loko bekushiwo.+ Ngako basenta lesifungo.
6 Ezra wasuka embikwendlu yaNkulunkulu weliciniso waya ekamelweni* laJehohanani indvodzana ya-Eliyashibi. Ngisho nobe aya lapho, akazange adle lutfo futsi akanatsanga ngisho nemanti, ngobe abelila ngesizatfu sekungetsembeki kwebantfu lebebabuya ekutfunjweni.+
7 Ngemuva kwaloko bakhipha simemetelo kulo lonkhe lakaJuda naseJerusalema sekutsi bonkhe lebebabuya ekutfunjweni abahlangane ndzawonye eJerusalema;
8 futsi ngekuvumelana nesincumo lesasitsetfwe tindvuna nemadvodza lamadzala, nome ngubani lobekutawendlula emalanga lamatsatfu angaketi, tonkhe tintfo takhe betitawutsatfwa,* futsi bekatawucoshwa kubantfu lababuya ekutfunjweni.+
9 Ngako onkhe emadvodza akaJuda newakaBhenjamini ahlangana ndzawonye eJerusalema angakendluli emalanga lamatsatfu, ahlangana ngelilanga lesi-20 enyangeni yesi-9. Bonkhe bantfu bebahleti ebaleni lendlu yaNkulunkulu weliciniso, bachachatela ngenca yalendzaba lebekukhulunywa ngayo nangenca yekutsi belina kakhulu.
10 Ngemuva kwaloko Ezra umphristi wasukuma watsi kubo: “Aniketsembeki ngekutsi nitsatse bafati bakuletinye tive,+ futsi ngekwenta loko nengete tono tema-Israyeli.
11 Nyalo vumani tono tenu kuJehova Nkulunkulu wabokhokho benu, nente nentsandvo yakhe. Tehlukaniseni kulabantfu baletive letinitungeletile nakulabafati betive.”+
12 Nabeva loko, bonkhe labantfu bamphendvula ngelivi lelivakalako batsi: “Kufanele sente njengobe nje usho.
13 Kodvwa banyenti bantfu labalapha futsi nyalo sikhatsi setimvula. Angeke sikhone kuma ngaphandle, nalendzaba angeke iphele ngelilanga linye nobe lamabili, ngobe sone kakhulu kuNkulunkulu.
14 Ngako sicela kutsi tindvuna tetfu tisimelele sonkhe;+ futsi bonkhe labasemadolobheni etfu labatsetse bafati bakuletinye tive abete ngesikhatsi lesitawubekwa, bete kanye nemadvodza lamadzala nebehluleli belidolobha ngalinye, kuze intfukutselo levutsako yaNkulunkulu wetfu lebangelwe ngulendzaba isuke kitsi.”
15 Nobe kunjalo, Jonathani indvodzana ya-Asaheli kanye naJahazeya indvodzana yaThikva abazange bavumelane naloku futsi boMeshulamu naShabhethayi+ labangemaLevi babasekela.
16 Kodvwa labantfu lebebabuya ekutfunjweni benta loko bekuvunyelwene ngako; futsi Ezra umphristi kanye netinhloko temindeni yabo, lokungito tonkhe lebetibhalwe ngemagama, bahlangana bodvwa ngelilanga lekucala ngenyanga yesi-10 kute bayikhulume lendzaba;
17 futsi ngelilanga lekucala lenyanga yekucala bacedza kusebenta lendzaba lemayelana nawo onkhe emadvodza labekatsetse bafati bakuletinye tive.
18 Kwatfolakala kutsi lamanye emadvodzana ebaphristi abetsetse bafati bakuletinye tive:+ emadvodzaneni aJeshuwa+ indvodzana yaJehosadaki kanye nakubomnakabo, bekunguMaseya, Eliyezeri, Jaribi naGedaliya.
19 Kodvwa betsembisa* kutsi batawubahambisa labafati babo, futsi njengobe bebonile, ngamunye kubo abetawunikela ngemvu lendvuna emhlambini wakhe ngenca yalesono sabo.+
20 Emadvodzaneni a-Imeri,+ bekunguHanani naZebadiya;
21 emadvodzaneni aHarimi,+ bekunguMaseya, Elija, Shemaya, Jehiyeli na-Uziya;
22 emadvodzaneni aPhashuri,+ bekungu-Eliyoyenayi, Maseya, Ishmayeli, Nethaneli, Jozabadi na-Eleyasa.
23 KumaLevi, bekuboJozabadi, Shimeyi, Khelaya (lokunguKhelita), Phethahiya, Juda na-Eliyezeri;
24 kubahlabeleli, bekungu-Eliyashibi; kubogadzi basesangweni, bekunguShalumi, Thelemu na-Uri.
25 Kuma-Israyeli, emadvodzaneni aPharoshi,+ bekunguRamiya, Jiziya, Malkhiya, Mijamini, Eliyezeri, Malkhiya naBhenaya;
26 emadvodzaneni a-Elamu,+ bekunguMathaniya, Zakhariya, Jehiyeli,+ Abdi, Jeremothi na-Elija;
27 emadvodzaneni aZathu,+ bekungu-Eliyoyenayi, Eliyashibi, Mathaniya, Jeremothi, Zabadi na-Aziza;
28 emadvodzaneni aBebayi,+ bekunguJehohanani, Hananiya, Zabhayi na-Athlayi;
29 emadvodzaneni aBani, bekunguMeshulamu, Maluki, Adaya, Jashubi, Sheyali naJeremothi;
30 emadvodzaneni aPhahathi-mowabi,+ bekungu-Adna, Khelali, Bhenaya, Maseya, Mathaniya, Besaleli, Binuwi naManase;
31 emadvodzaneni aHarimi,+ bekungu-Eliyezeri, Ishiya, Malkhiya,+ Shemaya, Shimeyoni,
32 Bhenjamini, Maluki naShemariya;
33 emadvodzaneni aHashumi,+ bekunguMathenayi, Mathatha, Zabadi, Elifeleti, Jeremayi, Manase naShimeyi;
34 emadvodzaneni aBani, bekunguMadayi, Amramu, Uweli,
35 Bhenaya, Bedeya, Kheluhi,
36 Vaniya, Meremothi, Eliyashibi,
37 Mathaniya, Mathenayi naJasu;
38 emadvodzaneni aBinuwi, bekunguShimeyi,
39 Shelemiya, Nathani, Adaya,
40 Maknadebayi, Shashayi, Sharayi,
41 Azareli, Shelemiya, Shemariya,
42 Shalumi, Amariya naJosefa;
43 emadvodzaneni aNebo, bekunguJeyiyeli, Mathithiya, Zabadi, Zebina, Jadayi, Joweli naBhenaya.
44 Bonkhe laba bebatsetse bafati bakuletinye tive,+ futsi babahambisa kanye nebantfwana babo.+
Imibhalo lengentansi
^ Nobe “ngekutsi sifake etindlini tetfu.”
^ NgesiHebheru kutsi, “labachachateliswa.”
^ Nobe “endlini yekudlela yaJehohanani.”
^ Nobe “betitawudliwa.”
^ NgesiHebheru kutsi, “bachawulana benta sivumelwane sekutsi.”
