Hoseya 11:1-12
11 “Ngesikhatsi Israyeli asengumfana, ngamtsandza,+Futsi indvodzana yami ngayibita kutsi iphume eGibhithe.+
2 Israyeli bekatsi nakabitwa,*Akhweshe kakhulu.+
Bekachubeka entela boBhali imihlatjelo+Futsi ayentela netithico letibatiwe.+
3 Ngimi lowacatfulisa Efrayimu,+ ngamtsatsa ngambeka esifubeni sami;+Kepha yena akazange avume kutsi ngimi lomelaphile.
4 Ngabadvonsela kimi ngelutsandvo nangemusa, kwaba ngatsi ngibadvonsa ngetintsambo;*+Ngasusa lijoka etintsanyeni* tabo,Futsi ngabanika kudla ngesineke.
5 Angeke babuyele eGibhithe, kodvwa i-Asiriya itawuba yinkhosi yabo,+Ngobe abazange bavume kubuyela kimi.+
6 Inkemba itawucotfula emadolobha abo,+Icotfule imishudo yemasango elidolobha, kanye nebantfu bakhona, ngenca yemacebo abo lamabi.+
7 Bantfu bami batimisele ngekungetsembeki kimi.+
Nanobe babitwa kutsi babuyele kuLosetikwako Konkhe, kodvwa kute losukumako.
8 Awu Efrayimu, ngingacala yini ngikuyekelele?+
Awu Israyeli, ngingakulahlelani nje?
Ngingacala yini ngikuphatse njenge-Adma?
Ngingacala yini ngikwente ufanane neZeboyimu?+
Sengishintje ingcondvo;Futsi ngesikhatsi lesifanako sengitiva nginesihawu ngawe.*+
9 Angeke ngiyikhiphele ngephandle intfukutselo yami levutsako.
Angeke ngiphindze ngimbhubhise Efrayimu,+Ngobe mine nginguNkulunkulu, angisuye umuntfu,NginguLongcwele emkhatsini wenu;Futsi angeke ngite kini ngitfukutsele.
10 Ema-Israyeli atawulandzela Jehova, futsi yena utawubhodla njengelibhubesi;+Nakabhodla, bantfwabakhe batawuta besaba bavela enshonalanga.+
11 Batawuphuma eGibhithe bachachatela kuhle kwenyoni,Baphume eveni lase-Asiriya kuhle kwelituba;+Futsi ngitabahlalisa etindlini tabo,” kusho Jehova.+
12 “Efrayimu uhlale akhuluma emanga kimi,Nangitsi nje ngiyagucuka, ngibona kukhohlisa kwa-Israyeli.+
Kodvwa Juda solo uhamba naNkulunkulu,Futsi wetsembekile kuNkulunkulu Longcwele.”+
Imibhalo lengentansi
^ Lokusho, nakabitwa baphrofethi nalabanye lebebatfunywe kutsi bafundzise ema-Israyeli.
^ Kungenteka kushiwo tintsambo letisetjentiswa ngumtali nakacatfulisa umntfwana wakhe.
^ NgesiHebheru kutsi, “emihlatsini.”
^ NgesiHebheru kutsi, “sengitiva ngivutsa sihawu.”
