Hoseya 13:1-16
13 “Efrayimu abetsi nakakhuluma, kuchachatele bantfu;Bekabaluleke kakhulu ka-Israyeli.+
Kodvwa waba nelicala lekukhonta Bhali,+ futsi wafa.
2 Nyalo bantfu bakhona bachubeka netono taboFutsi bakha tithico tensimbi basebentisa lisiliva;+Bakha tithico ngebuciko lobukhulu, futsi konkhe kungumsebenti webantfu labanelikhono.
Batsi kuto: ‘Bantfu labenta imihlatjelo abacabuze lamatfole.’+
3 Ngako batawufanana nemafu asekuseni,Bafanane nematolo lasheshe anyamalale,Batawuba njengemakhoba lapheshulwa sivunguvungu ebaleni lekubhulela,Futsi batawuba njengentfutfu lephuma embotjeni yeluphahla.
4 Kodvwa mine nginguJehova Nkulunkulu wenu kusukela ngesikhatsi niseGibhithe;+Kute lomunye Nkulunkulu weliciniso lenike namati ngaphandle kwami,Futsi kute lomunye uMsindzisi ngaphandle kwami.+
5 Nganinakekela ehlane,+ eveni lelomile.
6 Ngenca yekutsi beninekudla lokunyenti, nadla nesutsa,+Natsi kube nesutse nabese niyatigabatisa,Futsi nangikhohlwa.+
7 Kini ngitawuba njengelibhubesi lelisakhula,+Ngibe njengengwe lenilalele endleleni.
8 Ngitanihlasela njengelibhele lelemukwe bantfwana balo,Futsi ngidzabule sifuba senu.
Ngitanishwabadzela khona lapho kuhle kwelibhubesi;Silwane sesiganga sitanidzabudzabula nibe ticucu.
9 Awu Israyeli, lesilwane sitakucotfula,Ngobe umelene nami, mine msiti wakho.
10 Iphi-ke lenkhosi yakho, kuze itokusindzisa kuwo onkhe emadolobha akho?+
Baphi labaholi* bakho, labo lowakhuluma ngabo watsi:
‘Nginike inkhosi netikhulu’?*+
11 Nganinika inkhosi ngitfukutsele,+Futsi ngitayisusa ngitfukutsele kakhulu.+
12 Licala la-Efrayimu litawuhlale likhunjulwa;*Netono takhe tibaliwe tase tibhalwa phansi.
13 Yena utawuva buhlungu njengemfati nakaphetfwe ngumhelo.
Kodvwa ufana nemntfwana longakahlakaniphi,Kutsi nasekusikhatsi sekutsi abelekwe, yena angafuni kuphuma.
14 Bantfu bami ngitabakhulula eThuneni;*Ngitabavusa ekufeni.+
Wena Kufa, luphi ludvonsi lwakho?+
Nawe wena Thuna, kuphi kubhubhisa kwakho?+
Kodvwa Efrayimu yena angeke ngimvele.
15 Ngisho nobe angahluma njengemhlanga,Kutawufika umoya waJehova, umoya losuka emphumalanga,Lomoya utawuchamuka elugwadvule ufike womise umtfombo wakhe nesiyalu sakhe.
Tonkhe tintfo takhe letiligugu titawutsatfwa.+
16 ISamariya itawubekwa licala+ ngobe ihlubuke Nkulunkulu.+
Bantfu bakhona batawubulawa ngenkemba,+Bantfwana batawubulawa kabuhlungu,Futsi bafati labatetfwele batawuhhubhutwa tisu.”
Imibhalo lengentansi
^ NgesiHebheru kutsi, “labehluleli.”
^ Nobe “nebantfwabenkhosi.”
^ Nobe “lilondvolotiwe.”
^ Nobe “eShiyoli,” lokusho lithuna lebantfu. Fundza Tinchazelo Temagama.
