Hoseya 14:1-9
14 “Awu nine ma-Israyeli, buyelani kuJehova Nkulunkulu wenu,+Ngobe tono tenu tinente nagileka.
2 Buyelani kuJehova futsi nitsi:
‘Sicela usitsetselele tono tetfu,+ wemukele netintfo letinhle letivela kitsi,Tsine sitakudvumisa ngetindzebe tetfu+ kube shengatsi sinikela ngetinkunzana.*
3 I-Asiriya angeke isisindzise.+
Angeke setsembele emahhashini emphi,+Futsi angeke siphindze sitsi kuloko lesikwakhe ngetandla tetfu: “Awu Nkulunkulu wetfu!”
Ngobe nguwe lowentela tintsandzane umusa.’+
4 Mine ngitabelapha, futsi angeke baphindze bangetsembeki kimi.+
Ngitabatsandza ngalokusuka enhlitiyweni,*+Ngobe sengiyekele kubatfukutselela.+
5 Ngitawufana nematolo ku-Israyeli;Futsi yena utawuchakaza njengembali,Timphandze takhe titawujula njengetetihlahla taseLebanoni.
6 Emahlumela akhe atawukhula,Bukhatikhati bakhe butawufana nebesihlahla semncumo,Futsi emakha akhe atawunukelela njengetihlahla taseLebanoni.
7 Bantfu bami batawuphindze bahlale emtfuntini wami.
Batawuhlanyela kolo futsi bahlume njengesihlahla semagilebisi.+
Ludvumo* lwami lutawufanana nelweliwayini laseLebanoni.
8 Efrayimu utawutsi: ‘Ngisahlangene ngani nje netithico?’+
Mine ngitakuva loko lakushoko futsi ngimnakekele.+
Ngitawuba njengesihlahla semjunipha lesikhula kahle.
Ngimi lengitamnika titselo.”
9 Ngubani lohlakaniphile? Shengatsi angaticondza letintfo.
Ngubani lonekucondza? Shengatsi angatati letintfo.
Ngobe tindlela taJehova tilungile,+Futsi labalungile batawuhamba ngato;Kodvwa labenta lokubi batawugileka futsi bawe nabasahamba.
Imibhalo lengentansi
^ NgesiHebheru kutsi, “sitawunikela ngetinkunzana tetindzebe tetfu.”
^ Nobe “ngekukhululeka.”
^ NgesiHebheru kutsi, “Kukhunjulwa.”
