Hoseya 2:1-23
2 “Ubotsi kubomnakenu: ‘Nine nibantfu bami!’*+
Futsi ubokhuluma nabodzadzewenu utsi: ‘Nine nibafati labentelwe umusa!’*+
2 Mangalela make wakho; mmangalele,Ngobe akesuye umfati wami+ futsi nami angisiyo indvodza yakhe.
Kufanele ayekele kugwadla*Futsi ayekele kuphinga.*
3 Nakangenti njalo ngitamkhumula abe ngcunu, abe njengamhlazana atalwa,Ngitamenta abe njengelihlane,Abe njengendzawo lete emanti,Futsi ngitamenta abulawe koma.
4 Bantfwana bakhe angeke ngibentele umusa,Ngobe ubatfole ngekugwadla.*
5 Make wabo ugwadlile.*+
Loyo lowabatfwala esiswini sakhe wente tintfo letilihlazo,+ ngobe watsi:
‘Ngitawulandzela labo lengitsandzana nabo,+Labo labanginika sinkhwa nemanti,Labanginika timphahla teboya netelineni, nemafutsa kanye nekwekunatsa.’
6 Ngako ngitawubeka emanyeva kuze ngivimbe indlela yakhe;Futsi ngitamvalela ngelubondza lwematje,Kuze angayiboni indlela.
7 Utawulandzela labo latsandzana nabo, kodvwa angeke abakhandze;+Utabafuna, kodvwa angeke abatfole.
Utawubese utsi: ‘Ngitawubuyela endvodzeni yami yekucala,+Ngobe ngaleso sikhatsi bengincono kakhulu kunaloku lesengingiko nyalo.’+
8 Bekangafuni kuvuma kutsi ngimi lebengimnika kolo,+ liwayini lelisha kanye nemafutsa,Nekutsi ngimi lebengimnika lisiliva lelinyentiNeligolide, lebebakusebentisa nabakhonta Bhali.+
9 ‘Ngako ngitawubuyela emuva ngiyotsatsa kolo wami ngesikhatsi sekuvuna,Ngitsatse neliwayini lami lelisha ngesikhatsi salo,+Futsi ngitamemuka timphahla tami teboya netelineni lebekufanele ambonye ngato bungcunu bakhe.
10 Titfo takhe tangasense ngitatibeka ebaleni, kuze tibonwe ngulabo lebekatsandzana nabo,Futsi kute ngisho namunye lotamsindzisa esandleni sami.+
11 Ngitakucedza konkhe kujabula kwakhe,Ngicedze imikhosi yakhe,+ imikhosi yekwetfwasa kwenyanga, emasabatha akhe kanye nayo yonkhe imikhosi lebekiwe.
12 Ngitawubulala tihlahla takhe temagilebisi netemakhiwa, lebekakhuluma ngato atsi:
“Lona ngumholo wami lengiwunikwe ngulabo lebengitsandzana nabo”;Ngitawutenta tibe lihlatsi,Futsi tilwane tesiganga titawutidla titicedze.
13 Ngitamenta aphendvule ngaloko lakwenta ngesikhatsi anikelela boBhali imihlatjelo,+Nangaloko lakwenta ngesikhatsi atihlobisa ngetindandatho kanye nemihlobiso futsi alandzela labo lebekatsandzana nabo,Kodvwa mine wangikhohlwa,’+ kusho Jehova.
14 ‘Ngako ngitamncenga kutsi ahambe,Ngimhole aye ehlane,Futsi ngitawukhuluma naye aze atsintseke enhlitiyweni.
15 Ngemuva kwaloko ngitawuphindze ngimnikete tihlahla takhe temagilebisi,+Ngitawenta nekutsi Sihosha* sase-Akhori+ sibe lisango lelimholela eveni lelitsemba;Futsi utawufike angiphendvule khona lapho njengasebusheni bakhe,Njengalesikhatsi aphuma eGibhithe.’+
16 Jehova utsi: ‘Ngalelolanga,Wena utangibita ngekutsi ngiyindvodza yakho, futsi angeke uphindze ungibite ngekutsi ngiyinkhosi yakho.’*
17 ‘Angeke ngimvumele kutsi abite emabito aboBhali,+Futsi nemabito abo angeke aphindze akhunjulwe.+
18 Ngalelolanga ngitawentela bantfu bami sivumelwane netilwane tesiganga,+Netinyoni temazulu kanye netilwane letihumako;+Ngitawususa butjoki, inkemba kanye nemphi eveni,+Futsi ngitawenta kutsi bantfu bami bahlale ngekuthula.+
19 Ngitakutsatsa ube ngumfati wami kuze kube phakadze;Futsi ngikuphatse ngekulunga,Ngelutsandvo lolucotfo nangemusa.+
20 Ngitakuphatsa ngekwetsembeka.
Mine nginguJehova, futsi nakanjani utawungati.’+
21 Jehova utsi: ‘Ngalelolanga ngitawuphendvula,Ngitawuphendvula emazulu,Futsi wona atawuphendvula umhlaba;+
22 Nemhlaba utawuphendvula kolo, neliwayini lelisha kanye nemafutsa;Futsi nako kutawuphendvula Jezreyeli.*+
23 Ngitatihlanyelela yena njengenhlanyelo emhlabeni,+Futsi ngitamentela umusa loyo longazange entelwe umusa;*Ngitawukhuluma nalabo labangasibo bantfu bami* ngitsi: “Nine nibantfu bami,”+Futsi bona batawutsi: “Wena unguNkulunkulu wetfu.”’”+
Imibhalo lengentansi
^ Nobe “kungetsembeki.”
^ NgesiHebheru kutsi, “kuphinga lokusemkhatsini wemabele akhe.”
^ Nobe “kungetsembeki.”
^ Nobe “utiphetse kabi.”
^ Nobe “liTsafa.”
^ Nobe “nginguBhali wakho.”
^ Lokusho kutsi “Nkulunkulu Utawuhlanyela Inhlanyelo.”
