Hoseya 5:1-15
-
Kwehlulelwa kwa-Efrayimu naJuda (1-15)
5 “Lalelani nine baphristi,+Lalelisisani nine ma-Israyeli,Lalelani nine lenihlala esigodlweni,*Ngobe nitawehlulelwa.
Nine nilugibe eMispaFutsi nilinethi lelendlalwe eThabori.+
2 Tihlubuki setingene shi ekubulaleni bantfu,*Futsi tonkhe bengisolo ngitecwayisa.*
3 Ngiyamati Efrayimu,Na-Israyeli angeke angibhacele.
Wena Efrayimu bewusolo utiphatsa kabi;*Futsi Israyeli utingcolisile.+
4 Tento tabo tibenta bangakhoni kubuyela kuNkulunkulu wabo,Ngobe banesifiso sekugwadla;*+Futsi abafuni kuvuma kutsi mine Jehova nginguNkulunkulu wabo.
5 Kutigcabha kwa-Israyeli kube bufakazi lobumelene naye.*+
Israyeli kanye na-Efrayimu bawile ngenca yetono tabo,Futsi Juda uwe kanye nabo.+
6 Bahamba nemhlambi wabo wetimvu, wetimbuti newetinkhomo kuze bayofuna Jehova,Kodvwa abazange bamtfole,Ngobe yena wabashiya.+
7 Abaketsembeki kuJehova,+Ngobe bobabe bakhona batele bantfwana ngephandle.
Ngenyanga yinye nje, bona kanye nelive* labo batawucotfulwa.
8 Shayani luphondvo+ eGibeya, nishaye licilongo eRama!+
Hlabani umkhosi wemphi eBhethi-aveni!+ Awu Bhenjamini, hola libutfo!
9 Wena Efrayimu, utawuba yintfo leyetfusako ngelilanga lakho lekujeziswa.+
Tive taka-Israyeli sengititjelile loko lokutakwenteka.
10 Tindvuna takaJuda tifana nalabo labakhweshisa umncele.+
Intfukutselo yami ngitayitfululela kuto kuhle kwemanti.
11 Efrayimu ucindzetelekile, futsi ufihlitwe kufanele,Ngobe bekatimisele kulandzela sitsa sakhe.+
12 Ngako ngafanana nemvunya ku-EfrayimuFutsi ngafanana nekubola endlini yakaJuda.
13 Ngesikhatsi Efrayimu atibona kutsi uyagula, naJuda atibona kutsi unesilondza,Efrayimu waya e-Asiriya+ futsi watfumela titfunywa enkhosini lenkhulu.
Kodvwa lenkhosi yehluleka kunelapha,Futsi yehluleka kupholisa lesilondza.
14 Ku-Efrayimu ngitawuba njengelibhubesi lelisakhula,Ngibe njengelibhubesi lelinemandla endlini yakaJuda.
Ngitabadzabudzabula mine matfupha bese ngiyahamba;+Ngitabacotfula futsi kute lotabakhulula.+
15 Ngitawuhamba ngibuyele endzaweni yami baze batfole imiphumela yekona kwabo,Ngemuva kwaloko batawufuna kutsi ngibentele umusa.*+
Batawutsi nasebacindzetelekile, bangifune.”+
Imibhalo lengentansi
^ NgesiHebheru kutsi, “ninendlu yenkhosi.”
^ Nobe “tilwane.”
^ Nobe “ngitekhuta.”
^ Nobe “ugwadla.”
^ Nobe “sekungetsembeki.”
^ NgesiHebheru kutsi, “lobumbuke ebusweni.”
^ Nobe “nemasimu.”
^ NgesiHebheru kutsi, “buso bami.”
