Hoseya 6:1-11
6 “Wotani, asibuyeleni kuJehova.
Usidzabule saba ticucu+ kodvwa utaselapha.
Usilimete, kodvwa utawabopha emanceba etfu.
2 Ngemuva kwemalanga lamabili utasiniketa emandla.
Ngelilanga lesitsatfu utasiphakamisa,Futsi sitawuphila embikwakhe.
3 Sitawumati Jehova, futsi sitawuchubeka sifuna kumati.
Njengobe nje nelilanga liphuma ekuseni, nakanjani naye utawuta kitsi;Utawuta kitsi njengemvula,Ete njengemvula yasentfwasahlobo lemantisa umhlaba.”
4 “Awu Efrayimu, ngingakutsini nje?
Nawe Juda, yini nje lesengingakusita ngayo?
Ngobe lutsandvo lwenu lolucotfo lunjengemafu asekuseni,Lunjengematolo lasheshe anyamalale.
5 Kungako ngitanijuba nibe ticucu ngisebentisa baphrofethi;+Ngitanibhubhisa ngemavi laphuma emlonyeni wami.+
Tehlulelo letimelene nani titawuvele tibonakale njengekukhanya kwelilanga.+
6 Ngobe mine ngijatjuliswa lutsandvo lolucotfo,* hhayi imihlatjelo,Angijatjuliswa yiminikelo yekushiswa lephelele, kodvwa ngijatjuliswa kutsi bantfu bamati Nkulunkulu.+
7 Njengebantfu labanesono, bantfu bami basephulile sivumelwane lengasenta nabo.+
Bangihlamukile eveni labo.
8 IGileyadi ilidolobha lebantfu labenta lokubi,+Bantfu bakhona bahlale babulalana.+
9 Sicumbi sebaphristi sifana netigebengu letibhaca endleleni kuze tihlasele bantfu.
Sibulala bantfu emgwacweni loya eShekhemu,+Ngobe sihlale senta tintfo letilihlazo.
10 Ngibone intfo leyenyanyekako endlini yaka-Israyeli.
Efrayimu ugwadlela lapho;+Israyeli utingcolisile.+
11 Kodvwa wena Juda, sikhatsi sakho sibekiwe, kuhle kwesikhatsi sekuvuna,Sikhatsi lengitawubutsisa ngaso bantfu bami labatfunjiwe, ngibabuyisele eveni labo.”+
Imibhalo lengentansi
^ Nobe “ngumusa.”
