Hoseya 7:1-16
7 “Ngitsi nangifuna kwelapha Israyeli,Ngibone emaphutsa a-Efrayimu,+Futsi ngibone lokubi lokwentiwa eSamariya.+
Bayakhohlisa,+Bayagcekeza futsi bebe, bahlasele nalabangephandle.+
2 Abacabangi nje nekutsi ngitatikhumbula tonkhe tento tabo letimbi.+
Bubi lababentako bubagigeletele;Futsi ngikubona konkhe labakwentako.
3 Bajabulisa inkhosi ngebubi lababentako,Bajabulise netindvuna ngekukhohlisa kwabo.
4 Bonkhe bayaphinga,Bavutsa njengahhavini lobaswe ngumuntfu lobhakako,Lotsi asabhuca inhlama futsi asamele kutsi ikhukhumuke ayekele kukhwetela.
5 Ngesikhatsi semkhosi wenkhosi yetfu, tindvuna tagula,Tatsi nasetinatse liwayini tatfukutsela kakhulu.+
Lenkhosi ingumngani wetedzeleli.
6 Tinhlitiyo tabo tivutsa njengahhavini.*
Umbhaki ulala busuku bonkhe,Bese kutsi ekuseni lohhavini uvutse bhe kube shengatsi ngemalangabi emlilo.
7 Bonkhe bashisa njengahhavini,Futsi bacotfula baholi* babo.
Onkhe emakhosi abo awile;+Kute emkhatsini wabo longimemetako acele lusito.+
8 Efrayimu utihlanganisa netive.+
Efrayimu unjengelicebelengwane leliyindingilizi lelingakaguculwa nalibhakwa.
9 Bantfu bekuhamba bawacedzile emandla akhe,+ kodvwa yena akakwati loko.
Netinwele takhe setimhlophe, kodvwa yena akatiboni.
10 Kutikhukhumeta kwebantfu baka-Israyeli kubufakazi lobumelene nabo,+Nanobe kunjalo, abakabuyeli kuJehova Nkulunkulu wabo,+Futsi ngetulu kwako konkhe loku, abakamfuni.
11 Bantfu baka-Efrayimu banjengelituba lelilibele, futsi abanangcondvo.+
Bacele lusito eGibhithe;+ balucela nase-Asiriya.+
12 Ngisho nobe bangayaphi, ngitawujika linethi lami etikwabo.
Ngitabehlisela phansi kuhle kwetinyoni letisemazulwini.
Ngitabajezisa ngekuvumelana nesecwayiso lengabanika sona.*+
13 Maye kubo ngobe bangibalekele!
Batawubhujiswa ngenca yekutsi bonile kimi!
Bengikulungele kubahlenga, kodvwa bona bakhulume emanga ngami.+
14 Bebatsi nabacela lusito kimi, bangaluceli ngenhlitiyo yonkhe,+Ngisho nobe bebakhala kabuhlungu emibhedzeni yabo.
Bebatisika emitimbeni kuze nje batfole kolo neliwayini lelisha;Kodvwa mine bangifulatsela.
15 Ngisho nobe bengibayala futsi ngicinisa imikhono yabo,Kodvwa bona bebachubeka benta emacebo lamabi, ngako baba titsa tami.
16 Bagucuka, kodvwa abazange bagucukele ekukhonteni kweliciniso;Bebayintfo lengenamsebenti kuhle kwebutjoki lobugwegwile.+
Tindvuna tabo titawubulawa ngenkemba ngobe tikhuluma emavi ekwedzelela.
Kungako nebantfu batawuhlekisa ngabo eveni laseGibhithe.”+
Imibhalo lengentansi
^ Kungaphindze kubekwe ngekutsi, “Tinhlitiyo tabo tinjengahhavini njengobe beta nemacebo abo.”
^ NgesiHebheru kutsi, “behluleli.”
^ NgesiHebheru kutsi, “lengasinika lesive.”