Hoseya 8:1-14
8 “Shayani luphondvo!+
Kunesitsa lesita kuhle kwelusweti sitohlasela indlu yaJehova,+Ngobe bantfu bami basephulile sivumelwane+ lengasenta nabo futsi bawephulile umtsetfo wami.+
2 Bakhala kimi batsi: ‘Wena unguNkulunkulu wetfu, futsi tsine ma-Israyeli siyakwati!’+
3 Ema-Israyeli sekayekele kwenta lokuhle.+
Shengatsi sitsa singawagijimisa.
4 Atibekele emakhosi angakatsatsisi kimi.
Atibekele tindvuna, abe angakaceli imvume kimi.
Akhe tithico ngelisiliva lawo nangeligolide lawo,+Futsi loku kugcine kulimete wona.+
5 Awu Samariya, ngililahlile litfole lelisithico sakho.+
Ngikutfukutselele kakhulu.+
Kutawuze kube ngunini solo ungatihlambululi ekungcoleni kwakho?
6 Lelitfole livela ka-Israyeli.
Lakhiwe ngumbati, futsi alisuye Nkulunkulu weliciniso;Lelitfole laseSamariya litawuphihlitwa libe ticucu.
7 Benta lokubi kufanane nekutsi bahlanyela umoya,Ngako batawuvuna lokubi kufanane nekutsi bavuna sivunguvungu.+
Tinhlanga tabo ativeti lutfo;+Naloko lokungamila kutawuba kuncane kakhulu kutsi kungavunwa.
Ngisho kungaba khona lokutselako, bantfu bekuhamba* batakutsatsa.+
8 Ema-Israyeli atawumitwa sitsa.+
Atawuba semkhatsini wetive,+Abe njengeludziwo lolungafunwa ngumuntfu.
9 Ngobe ahambe aya e-Asiriya+ kuhle kwembongolo yesiganga lehamba yodvwa.
Efrayimu ucashe bafati latawutsandzana nabo.+
10 Nanobe labafati lababacashile bavela etiveni,Kodvwa ngitawabutsisa ndzawonye ema-Israyeli;Atawuhlupheka+ ngenca yekucindzetelwa ngemakhosi awo netindvuna tawo.
11 Efrayimu wakhe ema-al’thare lamanyenti futsi wona.+
Lama-al’thare akhe uwasebentisele kwenta lokubi.+
12 Ngambhalela imitsetfo* leminyenti,Kodvwa yena akazange ayinake.+
13 Unikela imihlatjelo kimi, bese udla lenyama,Kodvwa mine Jehova ayingijabulisi lemihlatjelo.+
Nyalo ngitawakhumbula emaphutsa akhe futsi ngimjezisele tono takhe.+
Yena ubuyele* eGibhithe.+
14 Israyeli sewumkhohliwe uMdali wakhe,+ watakhela emathempeli,+NaJuda wakhe emadolobha lamanyenti lavikelekile.+
Kodvwa ngitawutfumela umlilo kulamadolobha akhe,Futsi lomlilo utawucotfula imibhoshongo lekulamadolobha.”+
Imibhalo lengentansi
^ Nobe “bantfu bakuletinye tive.”
^ Nobe “ticondziso.”
^ Kungaphindze kubekwe ngekutsi, “Batawubuyela.”
