Hoseya 9:1-17
9 “Awu Israyeli, ungajabuli,+Ungatfokoti njengalabanye bantfu.
Ngobe ngebugwadla* bakho umshiyile Nkulunkulu wakho.+
Uyawutsandza umholo lowutfole ngenca yekugwadla kwakho kuwo onkhe emabala ekubhulela kolo.+
2 Kodvwa angeke ukutfole kudla ebaleni lekubhulela nasetjeni lekuhlutela liwayini,Futsi utaweswela liwayini lelisha.+
3 Angeke uchubeke uhleti eveni laJehova;+Kunaloko Efrayimu utawubuyela eGibhithe,Futsi utawufike adle lokungcolile e-Asiriya.+
4 Akayuphindze atfululele Jehova iminikelo yeliwayini;+Imihlatjelo yakhe angeke imjabulise Nkulunkulu.+
Injengesinkhwa sekulila;Bonkhe labo labasidlako batatingcolisa.
Ngobe lesinkhwa ngesabo bodvwa;Angeke singeniswe endlini yaJehova.
5 Nitawenta njani ngelilanga lekuhlangana,*Ngelilanga lemkhosi waJehova?
6 Nitawubaleka ngobe sitsa sitawufika sinibhubhise.+
Bantfu batanibutsisa ndzawonye eGibhithe,+ futsi baningcwabe eMemfisi.+
Tintfo tenu letiligugu letentiwe ngelisiliva titawumbonywa ngemanyeva,Futsi emathendeni enu kutawumila tihlahla temanyeva.
7 Emalanga ekujeziswa atawufika,+Futsi atawufika emalanga ekutsi Nkulunkulu atiphindziselele,Ema-Israyeli atawukwati loku.
Umphrofethi wawo utawuba silima, nemuntfu lotitjela kutsi ukhuluma emavi aNkulunkulu utawuhlanya;Ngenca yekutsi tono tenu tinyenti, nitfukutselelwe kakhulu.”
8 Ekucaleni, gadzi+ waka-Efrayimu abetsembekile kuNkulunkulu.+
Kodvwa nyalo tonkhe tintfo letentiwa baphrofethi bakhona+ tinjengesicupho salotsiya tinyoni.
Kunekutondzana lokukhona endlini yaNkulunkulu.
9 Ema-Israyeli asangene shi ekwenteni tintfo letitawaletsela inhlekelele, njengobe kwaba njalo emalangeni aseGibeya.+
Nkulunkulu utawakhumbula emaphutsa awo futsi awajezisele tono tawo.+
10 “Ngatsi nangitfola ema-Israyeli kwaba ngatsi ngitfola emagilebisi ehlane.+
Ngatsi nangibona bokhokho benu kwaba ngatsi ngibona emakhiwa lavutfwe kucala esihlahleni sawo.
Kodvwa bahamba baya kuBhali wasePheyori;+Batinikela kulonkulunkulu lolihlazo,+Futsi nabo babese bayenyanyeka njengalentfo lebebayitsandza.
11 Ludvumo lwa-Efrayimu luyandiza luhambe kuhle kwenyoni;Kute lotetfwalako nobe lobelekako.+
12 Ngisho nobe bangaba nebantfwana,Ngitabemuka bona kungasali ngisho namunye;+Kutawuba buhlungu kubo nasengibafulatsela!+
13 Efrayimu, lengambona afana neThire, abehlanyelwe emadlelweni lamahle;+Nyalo sekufanele aletse emadvodzana akhe kutsi ayobulawa.”
14 Awu Jehova, banike loko lokufanele ubanike kona;Abaphunyelwe tisu, futsi alungaphumi lubisi emabeleni abo.*
15 “Tonkhe tintfo letimbi bebatenta eGilgali,+ ngako ngabenyanya kusukela lapho.
Ngitabacosha endlini yami ngenca yetento tabo letimbi.+
Angeke ngiphindze ngibatsandze.+
Tonkhe tindvuna tabo ticinisa tinhloko.
16 Efrayimu utawugawulwa njengesihlahla.+
Timphandze takhe titawoma futsi angeke aphindze atsele.
Ngisho nobe bangatala bantfwana, ngitababulala bonkhe labantfwana babo lababatsandzako.”
17 Nkulunkulu wami utawubalahla,Ngobe abakamlaleli,+Futsi batawuphila ngekubaleka emkhatsini wetive.+
Imibhalo lengentansi
^ Nobe “ngekungetsembeki.”
^ Nobe “lemkhosi lobekiwe.”
^ Nobe “emabele abo awamuncane.”
