Ingoma Yetingoma 3:1-11
3 “Nangisembhedzeni wami ebusuku,Bengicabanga ngesithandwa sami.+
Bengilangatelela kusibona kodvwa besingekho.+
2 Ngako ngatsi: ‘Asengivuke ngiyoyaluka edolobheni;Ngiyoyaluka etitaladini nasetimakethe,Asengiyofuna sithandwa sami.’
Ngasifuna, kodvwa angisitfolanga.
3 Bogadzi bahlangana nami njengobe bebahambahamba edolobheni,+Futsi ngababuta ngatsi: ‘Nike nasibona yini sithandwa sami?’
4 Ngatsi nje nangisuka kuboNgasitfola sithandwa sami.
Ngasibamba ngangasiyekeliNgaze ngayongena naso endlini yamake,+Ekamelweni lamake longitalako.
5 Awu madvodzakati aseJerusalema, nginifungisaNgetimphala nangetinyamatane letinsikati tesiganga,Kutsi ningetami kuvusa lutsandvo kimi, luze lutivukele lona.”+
6 “Yini lena lechamuka ehlane lefanana nentfutfu lenkhulu,Lenukelela emakha emure nemakha esihlahla semphepho,Nato tonkhe tinhlobo temakha emtsengisi?”+
7 “Buka! Sihlalo saSolomoni.
Situngeletwe ngemadvodza langu-60 lanemandla,Emadvodza lanemandla aka-Israyeli,+
8 Onkhe ahlome ngetinkemba,Futsi onkhe aceceshelwe imphi,Nguleyo naleyo ndvodza ifake inkemba yayo engculwiniKuze ilwe nakuvela tintfo letetfusako ebusuku.”
9 “Lesi sihlalo sebukhosi* seNkhosi Solomoni,Yatakhela sona ngetihlahla taseLebanoni.+
10 Tinsika taso yatakha ngelisiliva,Loko leyeyama kuko yakwakha ngeligolide.
Loko lehlala kuko yakwenta ngendvwangu lebukhwebeletane;*Langekhatsi besihlotjiswe bantfu labanelutsandvo,Lokungemadvodzakati aseJerusalema.”
11 “Awu madvodzakati aseSiyoni, phumaniNiyobuka iNkhosi SolomoniIfake umchele wemshado leyawakhelwa ngumake wayo,+Ngelilanga layo lemshado,Ngelilanga lelenta inhlitiyo yayo ijabule.”
Imibhalo lengentansi
^ Lesi sihlalo lesimbonyiwe lesisetjentiselwa kutfwala umuntfu lomcoka.
^ NgesiNgisi kutsi “purple.”
