Ingoma Yetingoma 8:1-14
-
Intfombi (1-4)
-
“Kube mane bekungatsiwa ungumnaketfu” (1)
-
-
Bomnakabolentfombi (5a)
-
‘Ngubani lona logace lotsandzekako wakhe?’
-
-
Intfombi (5b-7)
-
“Lutsandvo lunemandla njengekufa” (6)
-
-
Bomnakabolentfombi (8, 9)
-
“Nangabe alubondza, . . . kodvwa nangabe asivalo, . . . ” (9)
-
-
Intfombi (10-12)
-
“Mine ngilubondza” (10)
-
-
Umelusi (13)
-
‘Ngicela kuva livi lakho’
-
-
Intfombi (14)
-
“Gijima njengemphala”
-
8 “Kube mane bekungatsiwa ungumnaketfu,Lowamunya emabeleni amake!
Bengitawutsi nangikukhandza ngaphandle ngikucabuze,+Futsi kute lobekatangibuka kabi.
2 Bengitakuhola;Ngiye nawe endlini yamake,+Lowangifundzisa tintfo letinyenti.
Bengitakunika liwayini lelinongwe kahle,Kanye nesinatfo semahananandza* lesisandza kwentiwa.
3 Sandla sakhe sangesencele besitawuba ngephansi kwenhloko yami,Nesandla sakhe sangesekudla besitangigaca.+
4 Awu madvodzakati aseJerusalema, ngiyanifungisa kutsiNingetami kuvusa lutsandvo kimi, luze lutivukele lona.”+
5 “Ngubani lona lochamuka ehlane,Logace lotsandzekako wakhe?”
“Ngakuvusa ngaphansi kwesihlahla semahhabhula.
Kulapho make wakho afikelwa khona ngumhelo.
Kulapho akubelekela khona aphetfwe ngumhelo.
6 Ngibeke ngibe njengeluphawu enhlitiyweni yakho,Ngibe njengeluphawu emkhonweni wakho,Ngobe lutsandvo lunemandla njengekufa,+Futsi kwetsembeka* kuphikelela njengeliThuna.*
Lutsandvo loluvutsako lunjengemalangabi emlilo, yebo lilangabi laJehova.+
7 Emagagasi angeke alucishe lutsandvo,+Ngisho nemifula angeke ilukhukhule.+
Nome ngabe umuntfu abengakhipha wonkhe umcebo lanawo endlini yakhe kuze atsenge lutsandvo,Loko* bekutawuba yinhlekisa yodvwa nje.”
8 “Sinadzadzewetfu losemncane,+Futsi usengakaphumi nemabele.
Sitawenta njani ngadzadzewetfuMzukwana bacela kumenta umfati?”
9 “Nangabe alubondza,Sitawakha umbhoshongo welisiliva etikwakhe,Kodvwa nangabe asivalo,Sitamvalela ngelipulango lemsedari.”
10 “Mine ngilubondza,Futsi emabele ami anjengemibhoshongo.
Naye uyabona kutsiInhlitiyo yami inekuthula.
11 Solomoni bekanensimu yemagilebisi+ eBhali-hamoni.
Wayinika bantfu kutsi bayinakekele.
Nguloyo naloyo bekakhipha tinhlavu telisiliva letingu-1 000 kuze batfole umkhicito wayo.
12 Nami ngineyami insimu yemagilebisi.
Letinhlavu telisiliva letingu-1 000* ngetakho Solomoni,Futsi tinhlavu telisiliva letingu-200 talabo labanakekela insimu yakho.”
13 “Awu wena lohlala etingadzeni,+Bangani bakho bagadze kuva livi lakho.
Nami ngicela kuliva.”+
14 “Phutfuma sithandwa sami,Gijima njengemphala+Nobe njengenyamatane lendvuna leseyincaneNayigijima etintsabeni lakumila khona tihlahla temakha.”
Imibhalo lengentansi
^ Nobe “semaphomegranathi.”
^ Nobe “iShiyoli,” lokusho lithuna lebantfu. Fundza Tinchazelo Temagama.
^ Nobe “kutinikela kumuntfu munye.”
^ Kungaphindze kubekwe ngekutsi, “Yena.”
^ NgesiHebheru kutsi, “Lenkhulungwane.”
